தற்போதைய செய்திகள்

நாள் ஒன்றுக்கு 500 டோக்கன்கள் மட்டுமே வழங்க வேண்டும் – வழிகாட்டி நெறிமுறைகளை வெளியிட்டது டாஸ்மாக் நிர்வாகம்

சென்னை

நாள் ஒன்றுக்கு 500 டோக்கன்கள் மட்டுமே வழங்கவேண்டும் என்று வழிகாட்டி நெறிமுறைகளை டாஸ்மாக் நிர்வாகம் வெளியிட்டுள்ளது.

சென்னையில் இன்று டாஸ்மாக் கடைகள் திறக்க உள்ள நிலையில் கடைப்பிடிக்கவேண்டிய வழிகாட்டி நெறிமுறைகள் டாஸ்மாக் நிர்வாகம் வெளியிட்டுள்ளது.கடையின் கிரில் பகுதிக்கு வெளிப்படையான விற்பனை கவுன்டர் தவிர்த்து தடுப்பு பொருத்தப்படவே

ண்டும்.தடுப்பு அமைத்து அதன் அளவு விவரம் குறிப்பிடவேண்டும்.வாடிக்கையாளர்களுக்கு நாள் ஒன்றுக்கு 500 டோக்கன்கள் மட்டுமே வழங்க வேண்டும்.ஷாமியானா மற்றும் மைக் செட் ஏற்பாடு செய்ய வேண்டும்.வாடிக்கையாளர்கள் வரிசையில் நிற்கக் குறைந்தது 3 அடி இடைவெளி விட்டு 50 வட்டங்கள் வண்ணத்தினால் அல்லது பிளீச்சிங் பவுடரால் அமைக்கவும். தன்னார்வலர்கள் அல்லது மதுக்கூட ஊழியர்கள் 5 பேரை கொரோனா தடுப்பு நடவடிக்கைக்காகப் பயன்படுத்திக் கொள்ளவும்.

கடையில் போதிய இடம் இருப்பின் 2 கவுன்ட்டர்களை அமைத்துக்கொள்ளவும். தேவைப்படும் போதெல்லாம் கடையின் சுற்றுப்புறம் பிளீச்சிங் பவுடர் தெளித்து சுத்தமாக வைத்துக்கொள்ளவும். குப்பைகளை உடனுக்குடன் அகற்ற வேண்டும்.

இரு நபர்களுக்கு இடையில் சமூக இடைவெளி குறைந்தது 3 அடி இருக்க வேண்டும். அனைத்து வாடிக்கையாளர்களும் சானிடைசரால் சுத்தம் செய்த பின்னரே கவுண்டரில் அனுமதிக்க வேண்டும். களப்பணியாளர்கள் தற்போது வழங்கிய கையுறை. மாஸ்க் அணிந்து பணிபுரிய வேண்டும்.

அனைத்து பணிகளையும் முடித்து பிற்பகல் 3.00 மணிக்குள் கடையின் சுற்றுப்புறத்தைத் தூய்மை செய்து தடுப்புச் சுவர் அமைத்தும் வண்ணத்தினால் 3 அடி இடைவெளியில் வட்டங்கள் அமைத்துக் கடை எண்ணுடன் மாவட்ட மேலாளருக்குப் புகைப்படம் அனுப்ப வேண்டும். மாவட்ட மேலாளரின் ஒப்புதல் பெற்ற பின்னரே கடை திறக்கப்பட வேண்டும்.

மேற்காணும் பணிகள் அனைத்தும் தீவிரமாகக் கண்காணிக்கப்படும். தவறும் பட்சத்தில் கடைகள் திறக்கப்பட மாட்டாது.

இவ்வாறு தெரிவிக்கப்பட்டுள்ளது.