கன்னியாகுமரி

கடலரிப்பால் பாதிக்கப்பட்டவர்களுக்கு மூன்று வேளை உணவு – டெல்லி சிறப்பு பிரதிநிதி என்.தளவாய்சுந்தரம் ஏற்பாடு

கன்னியாகுமரி

தமிழ்நாடு அரசின் டெல்லி சிறப்புப் பிரதிநிதி என்.தளவாய் சுந்தரம் ஏற்பாட்டில், ராஜாக்கமங்கலம் ஊராட்சி ஒன்றியத்திற்குட்பட்ட, கேசவன்புத்தன்துறையில் கடலரிப்பு ஏற்பட்டு, பாதுகாப்பாக தங்க வைக்கப்பட்டுள்ள மீனவர்களுக்கு நேற்று காலை முதல் மூன்று வேளை உணவுகள் வழங்க ஏற்பாடு செய்யப்பட்டுள்ளது.

கன்னியாகுமரி மாவட்டம், ராஜாக்கமங்கலம் ஊராட்சி ஒன்றியத்திற்குட்பட்ட, கேசவன்புத்தன்துறையில், 16.08.2020 அன்று கடலரிப்பு ஏற்பட்டது. இதனால் அப்பகுதியிலுள்ள 100-க்கும் மேற்பட்ட மீனவர்கள் அப்பகுதியிலுள்ள, பென்சியர் ஆண்டகை சமுதாய நலக்கூடத்தில் தங்க வைக்கப்பட்டுள்ளார்கள். தமிழ்நாடு அரசின் டெல்லி சிறப்புப் பிரதிநிதி என்.தளவாய்சுந்தரம் ஏற்பாட்டில், பென்சியர் ஆண்டகை சமுதாய நலக்கூடத்தில் தங்க வைக்கப்பட்டுள்ள மீனவர்களுக்கு நேற்று காலை முதல் மூன்று வேளையும் உணவுகள் வழங்க ஏற்பாடு செய்யப்பட்டுள்ளது.

மேலும் தமிழ்நாடு அரசின் டெல்லி சிறப்புப்பிரதிநிதி என்.தளவாய்சுந்தரம் அறிவுறுத்தலின்படி, கடலரிப்பு பாதிக்கப்பட்டுள்ள பகுதியில், மாவட்ட ஆவின் பெருந்தலைவர் எஸ்.ஏ.அசோகன், தமிழ்நாடு மாநில மீன்வள கூட்டுறவு இணையப்பெருந்தலைவர் எம்.சேவியர் மனோகரன், கேசவன்புத்தன்துறை பங்குத்தந்தை அருட்பணி.சி.ஜெகன், ராஜாக்கமங்கலம் ஊராட்சி ஒன்றியத்தலைவர் ஆர்.அய்யப்பன், ராஜாக்கமங்கலம் ஒன்றியச் செயலாளர் வீராசாமி, அப்பகுதி ஊர்த்தலைவர் ஜோசப் ரெஸ்பலின், உதவி பொறியாளர் (கடலரிப்பு தடுப்பு கோட்டம்) அபிஷா, ராஜாக்கமங்கலம் வட்டார வளர்ச்சி அலுவலர் எஸ்.அன்பு, வருவாய் ஆய்வாளர் ஆர்.டென்சிலின் ஷீபா ஆகியோர் பார்வையிட்டனர்.

அப்பகுதி பங்குத்தந்தை சி.ஜெகன் மற்றும் ஊர் பொதுமக்கள் தற்போது, கடலரிப்பினால் பாதிக்கப்பட்ட இடங்களில், மேலும் வீடுகள் பாதிக்கப்படாத அளவிற்கு தேவையான முன்னேற்பாடு பணிகள் மேற்கொள்ள வேண்டும் என மாண்புமிகு தமிழ்நாடு அரசின் டெல்லி சிறப்புப் பிரதிநிதி என்.தளவாய் சுந்தரத்திடம் தொலைபேசி வாயிலாக, கோரிக்கை வைத்தனர். இக்கோரிக்கையின் அடிப்படையில், தமிழ்நாடு அரசின் டெல்லி சிறப்புப் பிரதிநிதி என்.தளவாய் சுந்தரம் அறிவுறுத்தலின்படி, கடலரிப்பு தடுப்பு கோட்டம் சார்பில், அப்பகுதியில் தடுப்புசுவர் அமைப்பதற்கான திட்டமதிப்பீடு தயார் செய்யப்பட்டுள்ளது.

இப்பகுதி மீனவ மக்களின் நலன் கருதி, தமிழ்நாடு அரசின் டெல்லி சிறப்புப் பிரதிநிதி என்.தளவாய்சுந்தரம், மீனவ மக்களின் கோரிக்கை மற்றும் அதற்கான திட்ட மதிப்பீட்டினை, முதலமைச்சர் எடப்பாடி கே.பழனிசாமி கவனத்திற்கு, எடுத்து சென்று, அதனை நிறைவேற்ற, உரிய நடவடிக்கை எடுத்து வருகிறார். இந்நிகழ்வின்போது, மண்டல துணை வட்டார வளர்ச்சி அலுவலர் நாகராஜன், கேசவன்புத்தன்துறை ஊராட்சி மன்றத்தலைவர் ஆர்.ஹெபின்சா, ஊராட்சி ஒன்றிய கவுன்சிலர் பி.மேரி தமிழரசி ஆகியோர் கலந்து கொண்டனர்.