தற்போதைய செய்திகள்

விருகம்பாக்கம் தொகுதியில்12க்கும் மேற்பட்ட மாணவ-மாணவிகளுக்கு கல்வி கட்டணம் – வி.என்.ரவி எம்.எல்.ஏ செலுத்தினார்

சென்னை

தென்சென்னை தெற்குமாவட்டம் விருகம்பாக்கம் பகுதியில் 12-க்கும் மேற்பட்ட மாணவ மாணவிகளின் ஆண்டு கல்வி கட்டணத்தை தென்சென்னை தெற்கு மாவட்டச் செயலாளரும், தொகுதி சட்டமன்ற உறுப்பினருமான விருகை.வி.என்.ரவி வழங்கினார்.

கொரோனா தடுப்பு நடவடிக்கையாக ஏழை எளிய மக்களின் படிக்கும் மாணவ, மாணவிகளின் கல்வியில் எந்தவித தடையும் ஏற்படக்கூடாது என்பதை கருத்தில் கொண்டு 12-க்கும் மேற்பட்ட மாணவ, மாணவிகளின் ஆண்டு கல்வி கட்டணத்தை தென்சென்னை தெற்கு மாவட்டம் விருகம்பாக்கம் தொகுதியில் தென்சென்னை தெற்கு மாவட்ட கழக செயலாளரும், விருகம்பாக்கம் தொகுதி சட்டமன்ற உறுப்பினருமான விருகை வி.என்.ரவி எம்.எல்.ஏ வழங்கினார்.

அப்போது அவர் பேசுகையில், கொரோனா வைரஸ் தடுப்பு நடவடிக்கையால் பள்ளிகள் மூடப்பட்டுள்ளன. இதனால் மாணவ, மாணவியர்களின் கல்வியில் எள்ளளவும் குறை ஏற்படக்கூடாது என்பதை இந்த அரசு கருத்தில் கொண்டு பல்வேறு நடவடிக்கைகளை எடுத்து வருகிறது. மாணவ, மாணவியர்கள் வீட்டிலிருந்து நன்றாக படிக்க வேண்டும். பெற்றோர்கள் அவர்களுக்கு படிக்க ஏதுவான சூழலை அமைத்து தர வேண்டும் என்றார்.

இந்நிகழ்ச்சியில் சி.கே.முருகன், வட்ட கழக செயலாளர் சுகுமார், பாலாஜி, வைகுண்டராஜன், செல்வநாயகம், பில்டர் மோகன், ஏ.கே.சீனிவாசன், வி.கே.தேவி, அல்லிமுத்து, முத்து, மற்றும் கழக நிர்வாகிகள், மாநகராட்சி அதிகாரிகள், குடிநீர் வாரிய அதிகாரிகள் கலந்து கொண்டனர்.