கன்னியாகுமரி

சிறு கடைகளை இரவு 8 மணி வரை திறந்து வைக்க அனுமதி – முதலமைச்சருக்கு, குமரி மாவட்ட முஸ்லிம் ஜமாத் கூட்டமைப்பு நன்றி

கன்னியாகுமரி

கன்னியாகுமரி மாவட்டத்தில் சிறு கடைகள், வணிக நிறுவனங்களை இரவு 8 மணி வரை திறந்து வைக்க அனுமதி வழங்கியமுதலமைச்சர் எடப்பாடி கே.பழனிசாமிக்கும் கோரிக்கைையை தமிழக முதலமைச்சரின் கவனத்திற்கு கொண்டு சென்று அனுமதி பெற்று தந்த தமிழக அரசின் டெல்லி சிறப்பு பிரதிநிதி என்.தளவாய் சுந்தரத்துக்கும் மாவட்ட ஆட்சியருக்கும், குமரி மாவட்ட முஸ்லிம் ஜமாத் கூட்டமைப்பினர் நன்றி தெரிவித்து தீர்மானம் நிறைவேற்றி உள்ளனர்.

கன்னியாகுமரி மாவட்டத்தில் கோரோனா தொற்று அதிகமான காரணத்தினால் காலை 6 மணி முதல் மாலை 5 மணி வரை மட்டுமே அனைத்து சிறு கடைகள் வணிக நிறுவனங்களை திறக்க அனுமதி வழங்கப்பட்டு இருந்தது. இந்நிலையில் பொதுமக்கள் மற்றும் பணிக்கு செல்லும் அலுவலர்கள் தேவையான அத்தியாவசிய பொருட்கள் போன்றவற்றை வாங்க சிரமமாக உள்ளதால் அனைத்து சிறு கடைகள் மற்றும் வணிக நிறுவனங்கள் இரவு 8 மணி வரை திறக்க அனுதி வழங்க வேண்டுமென பொதுக்கள், பல்வேறு வியாபாரிகள் சங்கத்தினர் மற்றும் குமரி மாவட்ட முஸ்லிம் ஜமாத் கூட்டமைப்பு சார்பிலும் தமிழக அரசின் டெல்லி சிறப்பு பிரதிநிதி என்.தளவாய் சுந்தரத்திடம் கோரிக்கை வைத்தனர்.

இதனை தமிழக முதல்வரின் கவனத்திற்கு எடுத்து செல்லப்பட்ட நிலையில் அதனை கனிவுடன் பரிசீலித்த முதலமைச்சர் கன்னியாகுமரி மாவட்டத்தில் வணிக நிறுவனங்கள் அனைத்தும் காலை 6 மணி முதல் இரவு 8 மணிவரை செயல்பட அனுமதி அளித்து உத்தரவு பிறப்பித்தார். இந்நிலையில் கன்னியாகுமரி மாவட்ட முஸ்லீம் ஜமாத் கூட்டமைப்பின் ஆலோசனை கூட்டம் நாகர்கோவிலில் பில்லர்ஸ் கேட் அலுவலகத்தின் தலைவர் ஏ.மீரான் மைதீன் தலைமையில் பொதுச் செயலாளர் பி.ஹிமாம் பாதுஷா முன்னிலையில் நடைபெற்றது.

மாவட்ட முஸ்லீம் ஜமாத் கூட்டமைப்பின் வர்த்தக பிரிவு சார்பாக பொதுமக்கள் மற்றும் வியாபாரிகளின் நலன்களை கருத்திற் கொண்டு இதுவரை மாலை 5 மணி வரை கடைகளை திறந்து வியாபாரம் செய்து வந்த கடைகளை இரவு 8 மணி வரை என கால நேரம் நீட்டித்து உத்தரவு பிறப்பித்த முதலமைச்சர் எடப்பாடி கே.பழனிசாமிக்கும் தாங்கள் அளித்த கோரிக்கையை முதல்வரின் கவனத்திற்கு எடுத்து சென்ற தமிழக அரசின் டெல்லி சிறப்பு பிரதிநிதி என்.தளவாய் சுந்தரம் மற்றும் தமிழக முதல்வரின் உத்தரவை நடைமுறைப்படுத்திய மாவட்ட ஆட்சியர் பிரசாந்த் மு.வடநேரே ஆகியோருக்கு நன்றி தெரிவித்து கொண்டதோடு வீட்டை விட்டு நாம் மிகவும் அத்தியாவசிய தேவைகளுக்காக வெளியே செல்லும் போது அனைவரும் முகவசம் அணிய வேண்டும் என்ற தமிழக அரசின் உத்தரவை மாவட்ட மக்கள் அனைவரும் பின்பற்ற வேண்டும் என்றும் தீர்மானம் நிறைவேற்றப்பட்டுள்ளது.

நிகழ்ச்சியில் மாவட்ட பொருளாளர் நசீர் உசேன், செய்தி தொடர்பாளர் எஸ்.ஆர்.ஹாஜி பாபு, மாவட்ட வர்த்தக பிரிவு நலப் பிரிவு தலைவர் எம்.ஏ.கே.சலீம், செயலாளர் மாலித்தீன், பொருளாளர் முகம்மது சலீம், மாவட்ட இளைஞரணி தலைவர் எஸ்.ஏ.முகம்மது அயூப்கான், மாநகர தலைவர் ஜாகீன் உசேன் உள்ளிட்ட பலர் கலந்து கொண்டனர்.