தற்போதைய செய்திகள்

கலசப்பாக்கம் ஒன்றியத்தில் மாற்றுதிறனாளிகளுக்கு தலா 5 கிலோ அரிசி – தூசி கே.மோகன், வி.பன்னீர்செல்வம் வழங்கினார்

திருவண்ணாமலை

திருவண்ணாமலை மாவட்டம் கலசப்பாக்கம் ஒன்றியத்தில் மாற்றுதிறனாளிகளுக்கு தலா 5 கிலோ அரிசி பைகளை நிவாரணமாக மாவட்ட செயலாளர் தூசி கே.மோகன் எம்எல்ஏ, வி.பன்னீர்செல்வம் எம்.எல்.ஏ ஆகியோர் வழங்கினர்.

கொரோனா வைரஸ் காரணமாக ஊரடங்கு உத்தரவு அமலில் உள்ள நிலையில் மாற்றுத்திறனாளிகளின் நலன்கருதி திருவண்ணாமலை வடக்கு மாவட்டம் கலசப்பாக்கம் ஒன்றியத்தில் உள்ள மாற்று திறனாளிகளுக்கு தலா 5 கிலோ அரிசி பைகளை நிவாரணமாக வழங்கும் நிகழ்ச்சி கலசப்பாக்கம் திரௌபதி அம்மன் ஆலய வளாகத்தில் நடைபெற்றது.

இந்நிகழ்ச்சிக்கு வி.பன்னீர்செல்வம் எம்.எல்.ஏ தலைமை தாங்கினார். சிறப்பு விருந்தினராக மாவட்ட கழக செயலாளர் தூசி கே.மோகன் எம்எல்ஏ பங்கேற்று மாற்றுத்திறனாளிகளுக்கு தலா 5 கிலோ அரிசி மூட்டைகளை வழங்கி பேசியதாவது:-

தமிழகத்தில் அம்மாவின் வழியில் முதல்வரும், துணைமுதல்வரும் சிறப்பாக ஆட்சி செய்து வருகின்றனர். நீங்கள் மாற்றுத்திறனாளிகள் என்றாலும் உங்களிடம் மாற்று சக்தி உள்ளது. கொரோனா வைரஸ் காரணமாக ஊரடங்கு உத்தரவால் உங்கள் நலன் கருதி உங்கள் தொகுதி சட்டமன்ற உறுப்பினர் தனது சொந்த செலவில் உங்களுக்கு தலா 5 கிலோ அரிசியை வழங்குகிறார்.

கழக அரசு மாற்று திறனாளிகளுக்காக கணினி மையம் துவங்கிட, கைவினைப்பொருள் தயார் செய்ய, உணவு பதனிடும் தொழில், மர சாமான்கள் செய்தல், விவசாய இயந்திரம் வாங்குதல், தையல் தொழில் செய்ய, பால்பண்ணை வைத்தல், ஆயத்த ஆடை தயாரித்தல், விவசாயம் சார்ந்த தொழில் செய்தல், மீன்பிடித்தல் செய்தல் உள்ளிட்ட பல்வேறு தொழில் செய்ய மானியத்தில் கடனுதவி வழங்கி உதவி வருகிறது.

இவ்வாறு தூசி கே.மோகன் எம்.எல்.ஏ பேசினார்.

பின்னர் வி.பன்னீர்செல்வம் எம்.எல்.ஏ பேசுகையில், கலசப்பாக்கம் ஒன்றியத்தில் 45 ஊராட்சிகள் உள்ளன. இதில் 1897 மாற்று திறனாளிகள் உள்ளனர். அனைவருக்கும் கிராமங்கள் தோறும் சென்று அவரவர் பகுதிகளுக்கு வழங்கப்படும். மேலும் தொகுதி மக்களின் நலனுக்காக செயல்பட்டு வரும் வென்றெடுப்போம் வா என்ற பெயரில் உள்ள அமைப்பை சேர்ந்த இளைஞர்கள் மாற்றுதிறானிகளுக்கு அரிசி பைகளை சேர்ப்பார்கள் என்றார்.

நிகழ்ச்சியில் ஒன்றிய செயலாளார்கள் எம்.திருநாவுக்கரசு, கே.ஆர்.தவமணி, எல்.புருஷோத்தமன், பொதுக்குழு உறுப்பினர் பொய்யாமொழி, அரசு வழக்கறிஞர் எழில்மாறன், மாவட்ட பேரவை செயலாளர் பாஸ்கர் ரெட்டியார், சிறுபான்மை பிரிவு மாவட்ட செயலாளர் பி.ஜாகீர்உசேன், மாவட்ட துணை செயலாளர் டி.பி.துரை, கூட்டுறவு சங்க தலைவர் பத்மாவதி ஜீவரத்தினம், ஒன்றிய கவுன்சிலர் மலர்பழனி, கேட்டவரம்பாளையம் ரமேஷ் உள்ளிட்டோர் கலந்து கொண்டனர்.