தற்போதைய செய்திகள்

தனிமைப்படுத்தப்பட்டவர்களுக்கு வழங்க தடுப்பு மருந்து பெட்டகம் – செவிலியர்களிடம், அமைச்சர் கடம்பூர் செ.ராஜூ ஒப்படைத்தார்

தூத்துக்குடி

தூத்துக்குடி மாநகராட்சி பகுதியில் கொரோனா தோற்று நோயால் தனிமைப்படுத்தப்பட்டவர்களுக்கு வழங்கக்கூடிய தடுப்பு மருந்து பெட்டகத்தை மருத்துவ செவிலியர்களிடம் அமைச்சர் கடம்பூர் செ.ராஜூ வழங்கினார்.

தூத்துக்குடி மாநகராட்சி பகுதியில் கொரோனா தொற்றும் நோயால் பாதிக்கப்பட்டவர்கள் என்று கண்டறியப்பட்டு சிகிச்சை பெற்று வருபவர்களுக்கு வழங்கக்கூடிய தடுப்பு மருந்து மாத்திரைகள் கபசுர குடிநீர் முகக்கவசம் சானிடைசர் உள்ளிட்ட பொருட்கள் அடங்கிய இலவச மருத்துவ பெட்டகங்களை பாதிக்கப்பட்டவர்களுக்கு மருத்துவ செவிலியர்கள் மூலம் வழங்கும் நிகழ்ச்சி மாவட்ட ஆட்சித்தலைவர் சந்தீப் நந்தூரி, தலைமையில் மாநகராட்சி ஆணையாளர் ஜெயசீலன், தெற்கு மாவட்ட செயலாளர் எஸ்,பி,சண்முகநாதன் எம்எல்ஏ ஆகியோர் முன்னிலையில் நடந்தது.

இந்நிகழ்ச்சியில் கலந்து கொண்ட வடக்கு மாவட்ட செயலாளரும், செய்தி மற்றும் விளம்பரத்துறை அமைச்சருமான கடம்பூர் செ.ராஜூ கொரோனா நோயாளிகளுக்கு வழங்கக்கூடிய தடுப்பு மருத்துவ பெட்டகங்களை செவிலியர்களிடம் வழங்கினார்