சென்னை

திமுக உள்ளிட்ட மாற்றுக்கட்சிகளில் இருந்து 60 பேர் விலகி விருகை வி.என்.ரவி முன்னிலையில் கழகத்தில் இணைந்தனர்

சென்னை

தென்சென்னை தெற்கு மாவட்டம் விருகம்பாக்கம் பகுதியை சேர்ந்த தி.மு.க. மற்றும் மாற்றுக்கட்சிகளை சேர்ந்த 60க்கும் மேற்பட்டோர் அக்கட்சிகளில் இருந்து விலகி தெற்கு மாவட்ட செயலாளாரும், விருகம்பாக்கம் தொகுதி சட்டமன்ற உறுப்பினருமான விருகை வி.என்.ரவி முன்னிலையில் கழகத்தில் இணைந்தனர்

தென்சென்னை தெற்கு மாவட்டம் விருகம்பாக்கம் பகுதி சாலிகிராமத்தில் உள்ள சட்டமன்ற உறுப்பினர் அலுவலகத்தில் திராவிட முன்னேற்ற கழகத்தை சேர்ந்த ஆர்.சாந்தோஷ் சுவாமிநாதன், என்.மஞ்சுநாதன், ஆர்.ராஜ்குமார் மற்றும் மாற்று கட்சிகளை சேர்ந்த 60க்கும் மேற்பட்டோர் அக்கட்சிகலிருந்து விலகி தென் சென்னை தெற்கு மாவட்ட கழகச்செயலாளரும், விருகம்பாக்கம் சட்டமன்ற உறுப்பினருமான விருகை வி.என்.ரவி முன்னிலையில் கழகத்தில் இணைந்தனர்.

இந்நிகழ்ச்சியில் சட்டமன்ற உறுப்பினர் விருகை வி.என்.ரவி பேசியதாவது:-

அம்மாவின் வழித்தொடரும் அரசு பல்வேறு மக்கள் நலத்திட்ட பணிகளை செயல்படுத்தி வருகிறது, மக்கள் நலன், பொருளதார வளர்ச்சி சமுக பாதுகாப்பு, ஆட்சி திறன், படித்த இளைஞர்களுக்கு வேலை வாய்ப்பு, பன்னாட்டு நிறுவனங்கள் தமிழ்நாட்டில் புதியதாக தொழில் தொடங்க செய்து அதன் மூலம் பட்டதாரி முதல் அனைத்து தரப்பினருக்கும் இந்த அம்மாவின் அரசு வேலைவாய்ப்புகளை ஏற்படுத்தி உள்ளது. சுய தொழில் தொடங்க பல்வேறு வகையான திட்டங்களை செயல்படுத்தி வருகிறது இவற்றால் ஈர்க்கபட்டு அiவைரும் கழகத்தில் இணைந்து வருகின்றனர்.தற்போது கொரோனா வைரஸ் நோய் தடுப்பு நடவடிக்கையால் பாதிக்கபட்டுள்ள ஏழை எளிய குடும்பங்களுக்கு எண்ணற்ற உதவிகளை அரசும் மற்றும் கழக முன்னோடிகளும் செய்து வருகின்றனர்.

தமிழக மக்களை காப்பாற்றுவதற்காக முதலமைச்சர் பல்வேறு சீரிய நடவடிக்கைகளை எடுத்து வருகிறார். குறிப்பாக இந்த ஊரடங்கு காலங்களிலே மக்களின் வாழ்வாதரம் பாதிக்கபடக்கூடாது என்பதற்காக பல்வேறு அதிரடி நடவடிக்கைகளை மிக தீவிரமாக எடுத்து வருகிறார். இதன்மூலம் கொரோனா வைரஸ் நோய் தொற்று தற்போது கட்டுபடுத்தப்பட்டுள்ளது.

மேலும் கொரோனா நோய் தொற்றை பரவாமல் கட்டுபாத்துவதற்கு மக்கள் கட்டாயம் முககவசம் அணிய வேண்டும் கைகளை அவ்வப்பொழுது சோப்பு மற்றும் கிருமிநாசினி கொண்டு தூய்மை செய்ய வேண்டும். முகங்களை அடிக்கடி கைகளால் தொடுவதை தவிர்க்க வேண்டும். பொது இடங்களில் அத்தியாவசிய பொருட்கள் வாங்க செல்லும் போது சமூக இடைவெளியை கடைபிடிக்க வேண்டும்.

இவ்வாறு அவர் பேசினார்.

இந்நிகழ்ச்சியை எம்.ஜி.ஆர்.நகர் ஏ.குட்டி ஏற்பாடு செய்தார். இந்நிகழ்ச்சியில் ஏ.எம்.காமராஜ், அண்ணாமலை, டி.ரமேஷ், போட்டோ முருகன், செல்வநாயகம், தனசேகர், எம்.வைகுண்டராஜன், காணுநகர் தினேஷ், ஏ.கே.சீனிவாசன், குபேந்திரன், டி.பன்னீர்செல்வம், குமார், தேவா மற்றும் நிர்வாகிகளும், கழகத்தொண்டர்களும், பொதுமக்களும் கலந்து கொண்டனர்.