பெரம்பலூர்

குன்னம் தொகுதியில் ரூ.20 லட்சத்தில் தொடக்க வேளாண்மை கூட்டுறவு கடன் சங்க புதிய கட்டிட பணி – ஆர்.டி.ராமச்சந்திரன் தொடங்கி வைத்தார்

பெரம்பலூர்

பெரம்பலூர் மாவட்டம், குன்னம் சட்டமன்ற தொகுதியில் ரூ.20 லட்சம் மதிப்பில் புதிய கட்டிடம் கட்டும் பணியை பெரம்பலூர் மாவட்ட கழக செயலாளரும், சட்டமன்ற உறுப்பினருமான ஆர்.டி.இராமச்சந்திரன் தொடங்கி வைத்தார்.

பெரம்பலூர் மாவட்டம், குன்னம் சட்டமன்ற தொகுதிக்குட்பட்ட கோயில்பாளையம், துங்கபுரம் கிராமத்தில் உள்ள தொடக்க வேளாண்மை கூட்டுறவு கடன் சங்கம் பழைய கட்டிடத்தில் இயங்கி வருவதால் அதற்கு புதிய கட்டிடம் கட்டித்தர வேண்டும் என அக்கிராம பொதுமக்கள் பெரம்பலூர் மாவட்ட கழக செயலாளரும், குன்னம் தொகுதி சட்டமன்ற உறுப்பினருமான ஆர்.டி.இராமச்சந்திரனிடம் கோரிக்கை வைத்தனர்.

கோரிக்கையை ஏற்று குன்னம் தொகுதி சட்டமன்ற உறுப்பினர் ஆர்.டி.இராமச்சந்திரன் முதலமைச்சர் எடப்பாடி கே.பழனிசாமியின் ஒப்புதல் பெற்று ரூ.20 லட்சம் மதிப்பில் புதிய கட்டடம் கட்ட அனுமதி பெற்றார். அதன்படி நேற்று கோவில்பாளையத்தில் ரூபாய் 20 லட்சம் மதிப்பில் புதிய கட்டிடம் கட்டும் பணியை பெரம்பலூர் மாவட்ட கழக செயலாளரும், குன்னம் தொகுதி சட்டமன்ற உறுப்பினருமான ஆர்.டி.இராமச்சந்திரன் துவக்கி வைத்தார்.

இந்நிகழ்ச்சியில் ஒன்றிய கழக செயலாளர்கள் தெற்கு வேட்டக்குடி கிருஷ்ணசாமி, வடக்குசெல்வமணி , தொடக்க வேளாண்மை கூட்டுறவு வங்கி இயக்குநர் வழக்கறிஞர் கே.என்.ராமசாமி, அரசு கூடுதல் வழக்கறிஞர் செந்தில்ராஜன், ஊராட்சி மன்ற தலைவர் ராமையன், துணை தலைவர் மனோகரன், தகவல் தொழில்நூட்ப பிரிவு இணை ஒன்றிய செயலாளர் கண்மணி துரை, முன்னாள் ஊராட்சி செயலர் சம்பத், செல்வராஜ், ஆறுமுகம், மாயவேல் மற்றும் கழக நிர்வாகிகள் கலந்து கொண்டனர்.