கழக வேட்பாளர் பட்டியல் விரைவில் அறிவிப்பு – முன்னாள் அமைச்சர் ஆர்.காமராஜ் தகவல்
திருவாரூர்
கழக வேட்பாளர் பட்டியல் விரைவில் அறிவிக்கப்படும் என்று முன்னாள் அ மைச்சர் ஆர்.காமராஜ் தெரிவித்தார்.
நகர்ப்புற உள்ளாட்சி தேர்தல் குறித்த ஆலோசனை கூட்டம் திருவாரூரில் உள்ள மாவட்ட கழக அலுவலகத்தில் நடைபெற்றது. இக்கூட்டத்திற்கு மாவட்ட கழக செயலாளரும், முன்னாள் அமைச்சருமான ஆர்.காமராஜ் எம்.எல்.ஏ. தலைமை தாங்கி பேசியதாவது:-
நகர்ப்புற உள்ளாட்சி தேர்தலில் கழகம் சார்பில் போட்டியிடும் வேட்பாளர்கள் பட்டியல் விரைவில் வெளியிடப்படும். இத்தேர்தலில் கழகத்தின் வெற்றிக்கு அனைவரும் ஒருங்கிணைந்து பணியாற்ற வேண்டும். தலைமை அறிவிக்கும் வேட்பாளரை வெற்றிபெற செய்வது நம் அனைவரின் கடமை.
இவ்வாறு முன்னாள் அமைச்சரும், மாவட்ட கழக செயலாளருமான ஆர்.காமராஜ் பேசினார்.
இக்கூட்டத்தில் மாவட்ட கழக பொருளாளர் பன்னீர்செல்வம், மாவட்ட இணை செயலாளர் பாப்பாத்தி மணி, நகர செயலாளர் மூர்த்தி, ஒன்றிய செயலாளர் மணிகண்டன், மாவட்ட பாசறை செயலாளர் கலியபெருமாள் உள்பட பலர் கலந்து கொண்டனர்.
