தற்போதைய செய்திகள்

தண்டையார்பேட்டை நேதாஜி நகரில் சாக்கடை கால்வாய் அடைப்பை அகற்றி நடவடிக்கை – ஆர்.எஸ்.ராஜேசுக்கு பொதுமக்கள் பாராட்டு

சென்னை

பொதுமக்களின் குறைகளை ஏற்று ெசன்னை ஆர்.கே.நகர் பகுதி தண்டையார்பேட்டையில் பல ஆண்டுகளாக சாக்கடை அடைப்பு ஏற்பட்ட பகுதியில் மாநகராட்சி மற்றும் கழிவுநீர் வாரிய அதிகாரிகளுடன் மாவட்ட செயலாளர் ஆர்.எஸ்.ராஜேஷ், மற்றும் கழகத்தினர் இணைந்து கழிவுநீர் அகற்றும் பணியில் ஈடுபட்டதால் பொதுமக்கள் பலர் பாராட்டினர்.

சென்னை ஆர்.கே.நகர் பகுதிக்குட்பட்ட தண்டையார்பேட்டை நேதாஜி நகரில் சுமார் 1500க்கும் மேற்பட்ட குடும்பங்கள் வசித்து வருகின்றனர் இப்பகுதியில் கடந்த சில ஆண்டுகளாக சாக்கடை அடைப்பு ஏற்பட்டுள்ளதால் ராஜசேகர் நகர், சஞ்சய் காந்தி நகர், ராஜீவ் காந்தி நகர் பகுதியில் முறையாக ஆங்காங்கே கழிவுநீர் தேங்கி துர்நாற்றம் வீசுவதால் நேற்று முன்தினம் (ஞாயிற்றுக்கிழமை) அப்பகுதி பொதுமக்கள் பலர் வடசென்னை வடக்கு கிழக்கு மாவட்ட கழக செயலாளர் ஆர்.எஸ்.ராஜேஷை சந்தித்து குறைகளை தெரிவித்தனர்.

இதனைத்தொடந்து மாநகராட்சி கழிவுநீர் அகற்றும் வாகனம் மூலம் கழிவுநீர் சுத்திகரிப்பு அதிகாரிகள், மற்றும் ஊழியர்கள் உதவியுடன் அடைப்பு ஏற்பட்ட நான்கு முக்கிய வீதிகளில் ஆர்.எஸ்.ராஜேஷ், மற்றும் கழகத்தினர் இணைந்து சாக்கடை அடைப்பு சீர் செய்யும் பணியில் ஈடுபட்டு சரிசெய்தனர். ஊரடங்கு நேரத்திலும் மக்கள் பணிகளில் துரிதமாக செயல்பட்ட மாவட்ட கழக செயலாளர் ஆர்.எஸ்.ராஜேஷை பொதுமக்கள் பாராட்டினர்.
உடன் பகுதி செயலாளர் ஆர்.எஸ். ஜெனார்தனம், வேல்முருகன், ராமமூர்த்தி, முத்து செல்வம், உள்ளிட்ட பலர் இருந்தனர்.