தற்போதைய செய்திகள்

4,07,483 மகளிர் சுயஉதவிக்குழுக்களுக்கு ரூ.7,160.78 கோடி கடன் உதவி – அமைச்சர் செல்லூர் கே.ராஜூ தகவல்

திருவள்ளூர்

கூட்டுறவுத் துறையின் மூலம் 2011-2012 முதல் 31.07.2020 வரை 4,07,483 மகளிர் சுய உதவிக் குழுக்களுக்கு ரூ.7,160.78 கோடி கடன் வழங்கப்பட்டுள்ளது என்று அமைச்சர் செல்லூர் கே.ராஜூ தெரிவித்துள்ளார்.

திருவள்ளூர் மாவட்ட கூட்டுறவுத்துறை சார்பில் மாவட்ட ஆட்சியர் அலுவலக வளாகத்தில் நடைபெற்ற நலத்திட்ட உதவிகள் வழங்கும் நிகழ்ச்சியில் கூட்டுறவுத்துறை அமைச்சர் செல்லூர் கே.ராஜூ பேசியதாவது:-

அம்மா அவர்கள் வழியில் செயல்படும், முதலமைச்சர், தமிழ்நாட்டை இந்தியாவிலேயே முன்னோடி மாநிலமாக உயர்த்திட பல்வேறு நடவடிக்கைகளை எடுத்து செயல்படுத்தி வருகிறார். கொரோனா வைரஸ் தொற்று நோய் தடுப்பு நடவடிக்கைகளை விரைவாக எடுத்து நம் மாநிலத்திற்குள் நோய் பரவலை கட்டுக்குள் கொண்டு வந்துள்ளார்.

ஊரடங்கு அறிவிக்கப்பட்டதை தொடர்ந்து, ஏழை, எளிய நடுத்தர மக்கள் பயன்பெறும் வகையில், முதல் கட்டமாக, மாநிலம் முழுவதும் அரிசி பெறும் குடும்ப அட்டைதாரர்களுக்கு தலா ரூ.1000-மும், அதனைத் தொடர்ந்து, முழு ஊரடங்கு நீட்டிக்கப்பட்ட பெருநகர சென்னை மாநகராட்சி, காஞ்சிபுரம், திருவள்ளூர், செங்கல்பட்டு மற்றும் மதுரை மாவட்டங்களில் சில பகுதிகளில் உள்ள அரிசி குடும்ப அட்டைதாரர்களுக்கு 2ம் கட்டமாக தலா ரூ.1000மும் வழங்கினார்.

மேலும், ஏப்ரல் 2020 முதல் ஜூலை 2020 வரையிலான ஊரடங்கு காலத்தில் தமிழகம் முழுவதும் உள்ள அனைத்து குடும்ப அட்டைதாரர்களுக்கும் அரிசி, பருப்பு, கோதுமை, சர்க்கரை, சமையல் எண்ணெய் ஆகியவற்றை விலையில்லாமல் வழங்கினார். இது மட்டுமின்றி அனைத்து குடும்ப அட்டைகளிலும் இணைக்கப்பட்டுள்ள குடும்ப உறுப்பினர்கள் அனைவருக்கும் தலா 2 முகக் கவசங்களும் வழங்கும் பணி நடைபெற்றுவருகிறது.

ஊரடங்கு காலத்திலும், தமிழகத்தை முன்னேற்ற பாதையில் கொண்டு செல்ல தொழில் துறையில் பல்வேறு புரிந்துணர்வு ஒப்பந்தங்கள் மேற்கொண்டு, வேலைவாய்ப்புகளை உருவாக்கிட முதலமைச்சர் நடவடிக்கை மேற்கொண்டுள்ளார். தமிழக கூட்டுறவுத்துறை அம்மா அவர்களின் ஆட்சியில்தான் புதுப்பொலிவு பெற்றுள்ளது. தொடர்ந்து முதலமைச்சரின் அறிவுரைப்படி பல்வேறு மேம்பாட்டு நடவடிக்கைகள் எடுக்கப்பட்டு செயல்படுத்தப்பட்டு வருகிறது.

மாநில அளவில் கூட்டுறவுத்துறை மூலம் 2011 முதல் 15.08.2020 வரை 96 லட்சத்து, 82 ஆயிரத்து 895 விவசாயிகளுக்கு ரூ. 52,891.83 கோடியும், நடப்பாண்டில் 15.08.2020 வரை 2,21,861 விவசாயிகளுக்கு ரூ.1,749.53 கோடியும் வட்டியில்லா விவசாய கடன் வழங்கப்பட்டுள்ளது.

திருவள்ளூர் மண்டலத்தில் 2011 முதல் 31.07.2020 வரை 1,75,008 விவசாயிகளுக்கு ரூ.988.47 கோடி பயிர் கடனும், நடப்பாண்டில் 31.07.2020 வரை 3,563 விவசாயிகளுக்கு ரூ.29.29 கோடி வட்டியில்லா விவசாய கடன் வழங்கப்பட்டுள்ளது. தமிழக அளவில் பயிர்காப்பீடு இழப்பீடாக 31.07.2020 வரை 41,82,757 விவசாயிகளுக்கு, ரூ.8,199.85 கோடியும், இதில் கூட்டுறவுச் சங்கங்கள் மூலமாக 21,60,678 விவசாயிகளுக்கு ரூ.5,177.68 கோடியும், திருவள்ளூர் மண்டலத்தில், 76,935 நபர்களுக்கு ரூ.123.06 கோடியும் வழங்கப்பட்டுள்ளது.

தமிழகத்தில் கூட்டுறவுத்துறை மூலம் 5,17,800 மெட்ரிக் டன் கொள்ளளவு கொண்ட 4,044 கிடங்குகள் ரூ.533.78 கோடி மதிப்பில் கட்டப்பட்டுள்ளது. இதில் திருவள்ளூர் மாவட்டத்தில் 9,600 மெட்ரிக் டன் கொள்ளளவு கொண்ட 84 கிடங்குகள் ரூ.10.16 கோடி மதிப்பில் கட்டப்பட்டுள்ளது. கூட்டுறவு நிறுவனங்களில் மாநில அளவில் 27,490 மெட்ரிக் டன் யூரியாவும், 17,548 மெட்ரிக் டன் டி.ஏ.பி.யும், 13,551 மெட்ரிக் டன் எம்.ஓ.பி. யும், 21,118 மெட்ரிக் டன் காம்பளக்ஸ் உரமும் என மொத்தம் 79,707 மெ.டன் உரங்கள் கையிருப்பில் உள்ளது. திருவள்ளூர் மாவட்டத்தில் 621 மெட்ரிக் டன் யூரியாவும், 151 மெட்ரிக் டன் டி.ஏ.பி.யும், 61 மெட்ரிக் டன் எம்.ஓ.பி. யும், 644 மெட்ரிக் டன் காம்பளக்ஸ் உரமும் ஆக மொத்தம் 1,477 மெட்ரிக் டன் உரங்கள் கையிருப்பில் உள்ளது.

தமிழகம் முழுவதும் 2011 முதல் 31.07.2020 வரை 64,577 மாற்றுத்திறனாளிகளுக்கு ரூ.267.30 கோடியும், திருவள்ளூர் மண்டலத்தில், 749 நபர்களுக்கு ரூ.3.83 கோடியும், நகைக்கடனாக, தமிழகம் முழுவதும், 6,30,98,932 நபர்களுக்கு ரூ.2,46,803.72 கோடியும், திருவள்ளூர் மண்டலத்தில், 2011 முதல் 31.07.2020 வரை 23,01,985 நபர்களுக்கு ரூ. 7,438.43 கோடியும், தானிய ஈட்டுக் கடனாக தமிழகம் முழுவதும் 2011 முதல் 31.07.2020 வரை 2,09,182 நபர்களுக்கு ரூ.2,786.17 கோடியும், இதில் திருவள்ளூர் மண்டலத்தில் 3,723 நபர்களுக்கு ரூ.92.71 கோடியும், சிறுவணிகக் கடனாக 16,09,514 நபர்களுக்கு ரூ2,059.74 கோடியும், திருவள்ளூர் மண்டலத்தில், 30,270 நபர்களுக்கு ரூ.37.15 கோடியும் வழங்கப்பட்டுள்ளது.

சிறுவணிகக் கடன் 10.09.2019 முதல் ரூ.50,000 ஆக உயர்த்தி வழங்கப்பட்டு வருகிறது. நடப்பாண்டு மட்டும் மாநில அளவில் 37,805 நபர்களுக்கு ரு.110.08 கோடியும், திருவள்ளூர் மண்டலத்தில் 668 நபர்களுக்கு ரு.2.46 கோடியும் வழங்கப்பட்டுள்ளது.
தமிழ்நாட்டில் 6.96 லட்சம் மகளிர் சுய உதவிக்குழுக்கள் தற்போது செயல்பட்டு வருகிறது இதில் 103.32 லட்சம் மகளிர் உறுப்பினர்களாக உள்ளனர். கூட்டுறவுத் துறையின் மூலம் 2011-2012 முதல் 31.07.2020 வரை 4,07,483 மகளிர் சுய உதவிக் குழுக்களுக்கு ரூ.7,160.78 கோடி கடன் வழங்கப்பட்டுள்ளது.

கொரோனா சிறப்பு கடனுதவி திட்டத்தின் கீழ் மகளிர் சுய உதவிக்குழுக்களின் அவசரத் தேவையை பூர்த்தி செய்யும் பொருட்டு கடன் உதவிகள் வழங்கப்பட்டு வருகிறது. இத்திட்டத்தின் கீழ் ஒரு உறுப்பினருக்கு குறைந்தது ரூ.5 ஆயிரமும் அதிகபட்சமாக ஒரு குழுவிற்கு ரூ.1 லட்சம் வரை கடன் வழங்கப்படுகிறது. ஏற்கனவே பெற்றுள்ள கடனில் நிலுவைத் தொகை மற்றும் தற்போது பெறப்படும் தொகையும் சேர்த்து ரூ.10 லட்சத்திற்கு மிகாமல் இருக்க வேண்டும்.

கடனை திரும்ப செலுத்தும் காலம் 24 மாதங்கள் முதல் 36 மாதங்கள் வரையாகும். முதல் 6 மாதங்களுக்கு கடனை திரும்ப செலுத்த தேவையில்லை. 6 மாதம் கழித்து சம தவணைகளில் திரும்ப செலுத்த வேண்டும். இத்திட்டத்தின் கீழ் 08.05.2020 முதல் 14.08.2020 வரை 13,145 குழுக்களுக்கு ரூ.104.39 கோடியும், இதில் திருவள்ளூர் மண்டலத்தில் 301 குழுக்களுக்கு ரூ.2.61 கோடி கடன் வழங்கப்பட்டுள்ளது.

தமிழகம் முழுவதும் உள்ள கூட்டுறவு வங்கிகளில் 31.3.2011 அன்று ரூ.26,245.17 கோடியாக இருந்த வைப்புத்தொகை தற்போது அம்மா அவர்கள் ஆட்சியில், 30.06.2020 அன்று ரூ.58,663.81 கோடியாக உயர்ந்துள்ளது. தமிழகம் முழுவதும் 2011 முதல் 31.07.2020 வரை அனைத்து வகை கடன்களாக 7 கோடியே 66 லட்சத்து 28 ஆயிரத்து 935 நபர்களுக்கு ரூ. 3,84,903.47 கோடி வழங்கப்பட்டுள்ளது.

மாநில அளவில் 31.07.2020 வரை 6.36 லட்சம் விவசாய கடன் அட்டைகள் வழங்கப்பட்டுள்ளது. திருவள்ளூர் மண்டலத்தில் 31.07.2020 வரை 9,590 ருபே பற்று அட்டைகள் மற்றும் 17,992 ருபே விவசாய கடன் அட்டைகள் வழங்கப்பட்டுள்ளன. தமிழகம் முழுவதும் 5,853 சங்கங்கள் ரூ.189.51 கோடி மதிப்பில் கணினிமயமாக்கப்பட்டுள்ளது. இதேபோன்று 731 சங்கங்கள் ரூ.88.57 கோடி மதிப்பில் நவீனமயமாக்கப்பட்டுள்ளன. இதில், திருவள்ளூர் மண்டலத்தில், காஞ்சிபுரம் மாவட்ட மத்திய கூட்டுறவு வங்கியின் 12 கிளைகள் ரூ.127.57 லட்சம் மதிப்பிலும், பொன்னேரி நகர கூட்டுறவு கடன் சங்கம் ரூ.10 லட்சம் மதிப்பிலும் நவீனமயமாக்கப்பட்டுள்ளன.

மாநில அளவில், ரூ.119.08 கோடி மதிப்பில் 469 கட்டடங்களும், திருவள்ளூர் மண்டலத்தில், காஞ்சிபுரம் மாவட்ட மத்திய கூட்டுறவு வங்கியின் ஒரு கிளை கட்டடம் ரூ.74.00 லட்சம் மதிப்பிலும், 19 தொடக்க வேளாண்மை கூட்டுறவு கடன் சங்கங்களுக்கு ரூ. 3.80 கோடி மதிப்பில் கட்டடங்களும் கட்டி கொடுக்கப்பட்டுள்ளதோடு, மாநில அளவில், ரூ.16.60 கோடி மதிப்பில் 133 மத்தியக் கூட்டுறவு வங்கி கிளைகளும், திருவள்ளூர் மண்டலத்தில், காஞ்சிபுரம் மாவட்ட மத்திய கூட்டுறவு வங்கியின் 3 கிளைகளும் துவக்கப்பட்டுள்ளன.

ஏழை எளிய நடுத்தர மக்கள் பயன்பெறும் வகையில், கூட்டுறவுத்துறை சார்பில் இயங்கி வரும் 291 அம்மா மருந்தகம் மற்றும் கூட்டுறவு மருந்தகங்கள் மூலம் 20 சதவீத தள்ளுபடி விலையில் மருந்துகள் விற்பனை செய்யப்பட்டு வருகிறது. இதில் மாநிலம் முழுவதும், ரூ.1012.31 கோடி அளவிற்கும், இதில் திருவள்ளூர் மாவட்டத்தில் செயல்பட்டு வரும் 8 அம்மா மருந்தகம் மற்றும் கூட்டுறவு மருந்தகங்கள் மூலம் ரூ.14.24 கோடி அளவிற்கும் மருந்துகள் விற்பனை செய்யப்பட்டுள்ளன.
கூட்டுறவுத்துறை மூலம் செயல்படும் 79 பண்ணைப் பசுமை நுகர்வோர் கடைகள் மூலம் 31.07.2020 வரை 57,315 மெட்ரிக் டன் அளவிலான காய்கறிகள், ரூ.169.87 கோடி மதிப்பிற்கு விற்பனை செய்யப்பட்டுள்ளன.

கொரோனா காலத்தில் தமிழகம் முழுவதும், இயங்கிவரும் நடமாடும் பண்ணைப்பசுமை நுகர்வோர் கடைகள் மற்றும் ஏற்கனவே செயல்பட்டு வரும் பண்ணைப்பசுமை நுகர்வோர் கடைகள் மூலம் 29.03.2020 முதல் 22.08.2020 வரை 6,295.89 மெட்ரிக் டன் காய்கறிகள் ரூ.16.90 கோடி மதிப்பிற்கு விற்பனை செய்யப்பட்டுள்ளன. மேலும், கூட்டுறவு விற்பனை நிலையங்கள் மூலம் ஊரடங்கு காலத்தில் ரூ.500 மதிப்புடைய, 10 லட்சம் எண்ணிக்கையிலான மளிகை தொகுப்பு பைகள், ரூ.50 கோடி மதிப்பிற்கு விற்பனை செய்யப்பட்டுள்ளன. இதில் திருவள்ளூர் மண்டலத்தில் 32 ஆயிரம் மளிகை தொகுப்பு பைகள் ரூ.1.60 கோடி மதிப்பிற்கு விற்பனை செய்யப்பட்டுள்ளன.

மாநிலம் முழுவதும் 2011 முதல் 30.06.2020 வரை 676 முழுநேர நியாயவிலைக் கடைகளும், 1,759 பகுதிநேர கடைகளும் என மொத்தம் 2,435 புதிய கடைகள் திறக்கப்பட்டுள்ளன, இதில் திருவள்ளூர் மண்டலத்தில், 3 முழுநேர கடைகள், 102 பகுதிநேர கடைகள் என மொத்தம் 105 கடைகள் திறக்கப்பட்டுள்ளன. மாநிலம் முழுவதும் 1,229 முழுநேர நியாயவிலைக் கடைகளுக்கும், 741 பகுதிநேர கடைகளுக்கும் என மொத்தம் 1,970 கடைகளுக்கு புதிய கட்டிடங்கள் கட்டி கொடுக்கப்பட்டுள்ளன. இதில் திருவள்ளூர் மண்டலத்தில், 2 முழு நேர கடைகள், 78 பகுதிநேர கடைகள் என மொத்தம் 80 கடைகளுக்கு புதிய கட்டடங்கள் கட்டி கொடுக்கப்பட்டுள்ளன.

நியாயவிலைக் கடைகளுக்கு அருகிலேயே அனைத்து தரப்பு மக்களும் பயன்பெறும் வகையில் 5 சதவிகிதம் வரை தள்ளுபடி விலையில் 300 வகையான பொருட்களை பெற்றுக்கொள்ளும் வகையில் அம்மா சிறு கூட்டுறவுச் சிறப்பங்காடிகள் திறக்க முதல்வரால் உத்தரவிடப்பட்டு நாளது தேதி வரை மாநில அளவில் 709 கடைகளும், திருவள்ளூர் மாவட்டத்தில் 29 கடைகளும் திறக்கப்பட்டுள்ளன.

முதலமைச்சரால் விதி 110ன் கீழ் சட்டமன்ற உறுப்பினர்கள் மற்றும் பொதுமக்கள் வைத்த கோரிக்கைகளை கருத்தில்கொண்டு, குடியிருப்புகளுக்கு அருகிலேயே அத்தியாவசியப் பொருட்களை விநியோகிக்கும் பொருட்டு, மாநிலம் முழுவதும் ரூ.9.66 கோடி மதிப்பீட்டில், 3,501 அம்மா நகரும் நியாயவிலைக் கடைகளை உடனடியாக துவக்க உத்தரவிடப்பட்டுள்ளது. இந்நகரும் நியாயவிலைக் கடைகள், விரைவாக துவங்கப்பட உள்ளது.

இதில் திருவள்ளூர் மாவட்டத்திற்கு ஒதுக்கீடு செய்யப்பட்டுள்ள 118 கடைகளும் விரைவில் துவங்கப்படும். இதன் மூலம் திருவள்ளூர் மாவட்டத்தில் 23,125 குடும் அட்டைதாரர்கள் பயன்பெறுவர்.

இவ்வாறு அமைச்சர் செல்லூர் கே.ராஜூ பேசினார்.