சென்னை

2 ஆயிரம் குடும்பங்களுக்கு அத்தியாவசிய பொருட்கள்- விருகை வி.என்.ரவி எம்.எல்.ஏ வழங்கினார்

சென்னை

விருகம்பாக்கம் தொகுதி 137-வது வார்டு காணுநகர் பகுதிகளில் 2000க்கும் மேற்பட்ட ஏழை குடும்பங்களுக்கு ரூபாய் 15 லட்சம் மதிப்பீட்டில் அத்தியாவசிய பொருட்களை விருகை வி.என்.ரவி எம்.எல்.ஏ வழங்கினார்.

கொரோனா வைரஸ் தடுப்பு நடவடிக்கையாக ஏழை குடும்பங்கள், தூய்மை காவலர்கள், மாநகராட்சி ஊழியர்கள், சுகாதாரத்துறை ஊழியர்கள் என்று அனைவருக்கும் ஒவ்வொரு நாளும் தவறாமல் எண்ணற்ற உதவிகளை தென்சென்னை தெற்கு மாவட்டம் விருகம்பாக்கம் தொகுதியில் தென்சென்னை தெற்கு மாவட்ட கழக செயலாளரும், விருகம்பாக்கம் தொகுதி சட்டமன்ற உறுப்பினருமான விருகை வி.என்.ரவி செய்து வருகிறார்.

அதன் தொடர்ச்சியாக விருகம்பாக்கம் தொகுதிக்குட்பட்ட 137-வது வார்டில் உள்ள காணுநகர் பகுதியில் உள்ள அனைத்து தெருக்களிலும், தாய் மூகாம்பிகை நகர் மற்றும் அதை சுற்றியுள்ள பகுதிகளில் உள்ள 2000க்கும் மேற்பட்ட ஏழை குடும்பங்களுக்கு ரூபாய் 15 லட்சம் மதிப்பீட்டில் தலா 5 கிலோ அரிசி, துவரம் பருப்பு, கடலைபருப்பு, சமையல் எண்ணெய், சர்க்கரை,

கோதுமை மாவு, உப்பு, கடுகு, சீரகம், மிளகாய் பொடி, ரவை, பிஸ்கட் பாக்கெட், கபசுரக்குடிநீர் 5 வகையான காய்கறிகள் ஆகியவை அடங்கிய தொகுப்புகளை தென்சென்னை தெற்கு மாவட்ட கழக செயலாளரும், விருகம்பாக்கம் தொகுதி சட்டமன்ற உறுப்பினருமான விருகை வி.என்.ரவி வழங்கினார். அத்தியாவசிய தொகுப்புகளை தொடர்ந்து வழங்கிவரும் சட்டமன்ற உறுப்பினரையும், அம்மாவின் ஆட்சியையும் பொதுமக்கள் வெகுவாக பாராட்டியதுடன் நன்றியினையும் தெரிவித்து கொண்டனர்.

இந்நிகழ்ச்சியில் ஏ.எம்.காமராஜ், மாரிமுத்து, எஸ்.பி.குமார், ஏ.ஆர்.இனியன், தன்ராஜ் அண்ணாமலை, பில்டர்.மோகன், இ.சங்கர், வைகுண்டராஜன், காணுநகர் தினேஷ், டி.சி.அசோக்குமார், செல்வமணி, டாடா செல்வம், தமீம், வினோத், முரளி, சீனிவாசன், தியாகராஜன், முரளி, முத்து மற்றும் கழக நிர்வாகிகளும், கழகத் தொண்டர்களும், பொது மக்களும் கலந்து கொண்டனர்.