திருவண்ணாமலை

செய்யாறு பகுதியில் 42 கிளைக்கழகங்களுக்கு ரூ.2.10 லட்சம் நிதியுதவி – மாவட்ட செயலாளர் தூசி கே.மோகன் எம்.எல்.ஏ. வழங்கினார்

திருவண்ணாமலை

செய்யாறு பகுதியில் 9 கிராமங்களில் 42 கிளை கழகங்களுக்கு தலா 5000 ரூபாய் வீதம் ரூ.2,10,000 நிதியுதவியை மாவட்ட செயலாளர் தூசி கே.மோகன் எம்எல்ஏ வழங்கினார்.

திருவண்ணாமலை வடக்கு மாவட்டம் செய்யாறு வடக்கு ஒன்றியத்திற்குட்பட்ட ஆராத்திவேலூர், இராமகிருஷ்ணாபுரம், அரும்பருத்தி, பாப்பந்தாங்கள், கீழ் புதுபாக்கம், மற்றும் செய்யாறு தெற்கு ஒன்றியத்தில் எறையூர், தொழுப்பேடு, கொற்கை, கீழப்பந்தல் உள்ளிட்ட 9 கிராமங்களில் கழக கொடியேற்று விழா நடைபெற்றது.

இவ்விழாவில் திருவண்ணாமலை வடக்கு மாவட்ட கழக செயலாளர் தூசி கே.மோகன் எம்எல்ஏ சிறப்பு விருந்தினராக பங்கேற்று கழக கொடியேற்றினார் மேலும் இந்த கிராமங்களில் உள்ள 42 கிளை கழகங்களுக்கு தலா 5000 ரூபாய் வீதம் தனது சொந்தபணத்தில் இருந்து வழங்கினார். மேலும் கொடியேற்று விழா நடைபெறும் இடங்களில் ஏராளமான பெண்கள் குவிந்தனர் அப்பகுதியில் உள்ள பலருக்கு சில்வர் தட்டு, சேலை ஜாக்கட் பிட், இனிப்பு உள்ளிட்டவைகளை தூசி கே.மோகன் எம்.எல்.ஏ. வழங்கினார்.

செய்யாறு வடக்கு ஒன்றியபகுதி நிகழ்ச்சிகள் செய்யாறு வடக்கு ஒன்றிய செயலாளர் எம்.மகேந்திரன் தலைமையில் நடைபெற்றது. செய்யாறு தெற்கு ஒன்றிய பகுதி நிகழ்ச்சிகள் தெற்கு ஒன்றிய செயலாளர் அருகாவூர் எஸ்.அரங்கநாதன் தலைமையில் நடைபெற்றது.

இந்நிகழ்ச்சிகளில் மாவட்டக்கழக இணைச்செயலாளர் எம்.விமலா மகேந்திரன், மாவட்ட துணை செயலாளர் டி.பி.துரை, அனக்காவூர் கிழக்கு ஒன்றிய செயலாளர் சி.துரை, வந்தவாசி கல்வியாளர் அ.விஜய், மாவட்ட நிர்வாகிகள் சுரேஷ் நாராயணன், கொற்கை சுபாஷினி, முன்னாள் ஒன்றிய செயலாளர் கிருஷ்ணன், கழகத்தினர் ராஜேஷ்குமார், பிரகாஷ், செபஸ்டின்துரை, வெங்கடேசன், மகேஷ். மகாதேவன், பழனி உள்ளிட்டோர் கலந்து கொண்டனர்.