தற்போதைய செய்திகள்

இளைஞர் மற்றும் இளம்பெண்கள் பாசறை ஆலோசனை கூட்டம் – அமைச்சர் கடம்பூர் செ.ராஜூ தலைமையில் நடைபெற்றது

துத்துக்குடி

தூத்துக்குடி வடக்கு மாவட்ட கழக இளைஞர் மற்றும் இளம்பெண்கள் பாசறை ஆலோசனை கூட்டம் அமைச்சர் கடம்பூர் செ.ராஜூ தலைமையில் கோவில்பட்டியில் நடைபெற்றது.

தூத்துக்குடி வடக்கு மாவட்ட கழக இளைஞர் மற்றும் இளம்பெண்கள் பாசறை ஆலோசனைக் கூட்டம் கோவில்பட்டியில் நடைபெற்றது. இளைஞர் மற்றும் இளம்பெண்கள் பாசறை மாவட்ட செயலாளர் துறையூர் கணேச பாண்டியன் ஏற்பாட்டில் நடைபெற்ற இந்த ஆலோசனை கூட்டத்திற்கு வடக்கு மாவட்ட செயலாளரும், செய்தி மற்றும் விளம்பரத்துறை அமைச்சருமான கடம்பூர் செ.ராஜூ தலைமை வகித்தார்.

விளாத்திகுளம் தொகுதி சட்டமன்ற உறுப்பினர் சின்னப்பன், முன்னாள் எம்.எல்.ஏ.வும், அறங்காவலர் குழு தலைவருமான மோகன், நகர செயலாளர் விஜய பாண்டியன் ஆகியோர் முன்னிலை வகித்தனர். கூட்டத்தில் வரும் சட்டமன்ற தேர்தல் பணிகளில் இளைஞர் மற்றும் இளம்பெண்கள் பாசறை நிர்வாகிகள் ஆற்ற வேண்டிய பணிகள் குறித்து அமைச்சர் கடம்பூர் செ.ராஜூ எடுத்துரைத்தார். மேலும் அதற்கான விண்ணப்ப படிவங்களையும் வழங்கினார்.

இக்கூட்டத்தில் வடக்கு மாவட்ட அம்மா பேரவை செயலாளர் செல்வகுமார், மாவட்ட அம்மா பேரவை இணைச்செயலாளர் நீலகண்டன், ஒன்றியச் செயலாளர்கள் அய்யாத்துரை பாண்டியன், அன்புராஜ், கயத்தார் ஒன்றிய செயலாளர் வினோபாஜி, கயத்தார் கிழக்கு ஒன்றிய செயலாளர் வண்டானம் கருப்பசாமி, நிர்வாகிகள் தாமோதரன், மகேஷ்குமார், முன்னாள் கவுன்சிலர் பாலமுருகன், சுப்புராஜ் உள்ளிட்ட பலர் கலந்து கொண்டனர்.