தற்போதைய செய்திகள்

ஆரணியில் 542 கிளை கழகங்களுக்கு ரூ.27 லட்சம் நிதியுதவி – அமைச்சர் சேவூர் எஸ்.இராமச்சந்திரன் வழங்கினர்

திருவண்ணாமலை

ஆரணியில் தொகுதியில் உள்ள 542 கிளை கழகங்களுக்கு தலா ரூ.5000 வீதம் ரூ.27 லட்சத்து 10 ஆயிரம் நிதியுதவியை இந்து சமய அறநிலையத்துறை அமைச்சர் சேவூர் எஸ்.இராமச்சந்திரன் வழங்குகிறார்.

திருவண்ணாமலை மாவட்டம் ஆரணி சட்டமன்ற தொகுதியில் ஆரணி ஒன்றியம், மேற்கு ஆரணி ஒன்றியம், ஆரணி நகரம், செய்யாறு ஒன்றியத்தில் 12 கிராமங்கள் உட்பட அனைத்துப் பகுதியிலும் 542 கிளைகள் உள்ளது. மேற்கண்ட 542 கிளைகளுக்கும் தலா ரூ.5000 வழங்க இந்து சமய அறநிலையத்துறை அமைச்சர் சேவூர் எஸ்.இராமச்சந்திரன் முடிவு செய்தார். பின்னர் கிளைகளுக்கு வழங்கும் திட்டத்தினை செய்யாறு ஒன்றியப்பகுதியில் துவக்கினார்.

அப்போது நிர்வாகிகளிடம் அமைச்சர் சேவூர் எஸ்.இராமச்சந்திரன் பேசியதாவது:-

ஆரணி சட்டமன்ற தொகுதி முழுவதும் உள்ள 542 கிளை கழகங்களுக்கும் தலா ரூ.5000 வழங்கப்படும். தற்போது இப்பகுதியில் இத்திட்டம் துவக்கப்பட்டுள்ளது, தொடர்ந்து தினமும், வழங்கப்படவுள்ளது. அந்தந்த பகுதி கிளைகழகங்களை சந்தித்து நேரடியாக பணம் வழங்கப்படும். புரட்சித்தலைவி அம்மாவின் நல்லாட்சி தொடர்ந்து செயல்பட முதலமைச்சர் எடப்பாடி கே.பழனிசாமி, துணை முதலமைச்சர் ஓ.பன்னீர்செல்வம் ஆகியோருக்கு என்றும் உறு துணையாக இருப்போம். ஆரணி சட்டமன்ற தொகுதியில் எண்ணற்ற திட்டப்பணிகள் செய்யப்பட்டுள்ளது.

ஆரணி பஜாரில் சென்டர் மீடியா அமைக்கப்பட்டு உயர்மின்விளக்குகள் அமைக்கப்பட்டுள்ளது. ஆரணி கோட்டை மைதானத்தில் நடைபாதை அமைக்கப்பட்டுள்ளது. பல பள்ளிகள் தரம் உயர்த்தப்பட்டுள்ளன. பல பள்ளிக
ளுக்கு கட்டடங்கள் கட்டப்பட்டுள்ளன. ஆரணி எஸ்வி.நகரம், காமக்கூர், தேவிகாபுரம், கைலாய நாதர் ஆலயம், உள்ளிட்ட பல்வேறு ஆலயங்களுக்கு புதியதாக தேர் செய்யப்பட்டுள்ளது. விண்ணமங்கல், புதுப்பாளையம், கொளத்தூர், உள்ளிட்ட பகுதிகளில் தடுப்பணைகள் கட்டப்பட்டுள்ளன.

லாடவரம் பகுதியில் புதிய மேம்பாலம் அமைக்கப்பட்டுள்ளது, புத்திரகாமேட்டீஸ்வரர் ஆலயத்தின் அருகில் இந்து சமய அறநிலையத்துறை சார்பில் 2.5 கோடி மதிப்பீட்டில் திருமணமண்டபம் கட்டப்பட்டு முடியும் தருவாயில் உள்ளது. ஆரணி சூரிய குளம் சுமார் 7 கோடி ரூபாய் மதிப்பீட்டில் சுத்திகரிப்பு செய்து புதுப்பிக்கும் பணி நடைபெறவுள்ளது. இவ்வாறு எண்ணற்ற பணிகள் ஆரணி தொகுதியில் செய்யப்பட்டுள்ளன. ஆகையால் வரும் தேர்தலில் கழகம் அறிவிக்கும் வேட்பாளரை அதிக வாக்குகள் வித்தியாசத்தில் வெற்றிபெற செய்ய வேண்டும்.

இவ்வாறு அமைச்சர் சேவூர் எஸ்.இராமச்சந்திரன் பேசினார்.

இந்நிகழ்ச்சியில் ஒன்றிய செயலாளர்கள் பிஆர்ஜி.சேகர், வக்கீல் க.சங்கர், அருகாவூர் அரங்கநாதன். ஜி.வி.கஜேந்திரன், ப.திருமால், எம்.மகேந்திரன், மாவட்ட ஆவீன் துணைத்தலைவர் பாரி பி.பாபு, முனுகப்பட்டு பாஸ்கர் உள்ளிட்ட பலர் கலந்து கொண்டனர்.