தற்போதைய செய்திகள்

கழகம் மாபெரும் வெற்றிபெற கடுமையாக உழைக்க வேண்டும் – வி.வி.ராஜன்செல்லப்பா எம்.எல்.ஏ வேண்டுகோள்

மதுரை

திருப்பரங்குன்றம் தொகுதியில் கழகம் மாபெரும் வெற்றிபெற கடுமையாக உழைக்க வேண்டும் என்று மாவட்ட கழக செயலாளர் வி.வி.ராஜன்செல்லப்பா பூத் கமிட்டி நிர்வாகிகளுக்கு வேண்டுகோள் விடுத்து பேசினார்.

புரட்சித்தலைவி அம்மாவின் அருளாசியுடன் முதலமைச்சர், துணை முதலமைச்சர் ஆகியோரின் ஆணைக்கிணங்க திருப்பரங்குன்றம் தொகுதியில் பூத் கமிட்டி நிர்வாகிகள் கூட்டம் நடைபெற்றது. கூட்டத்தில் மதுரை புறநகர் கிழக்கு மாவட்ட கழக செயலாளர் வி.வி.ராஜன்செல்லப்பா ஆலோசனை வழங்கினார்.

இதில் வி.வி.ராஜன்செல்லப்பா எம்.எல்.ஏ. பேசியதாவது:-

2021 ம் ஆண்டில் நாம் சட்டமன்ற தேர்தலை எதிர்கொள்ள இருக்கிறோம் இன்றைக்கு அம்மாவின் ஆசியுடன் ஒரு பொற்கால ஆட்சியை முதல்வரும், துணை முதல்வரும் நடத்தி வருகின்றனர். கடந்த 4 ஆண்டுகால சாதனையை மக்களிடத்தில் எடுத்துச் சொன்னால் போதும் நமக்கு வெற்றி நிச்சயம் ஆகும். இன்றைக்கு ஒவ்வொரு இல்லத்திலும் அம்மாவின் திட்டங்கள் உள்ளன.

திருப்பரங்குன்றம் பகுதி, அவனியாபுரம் பகுதி ஆகிய பகுதிகளில் 13 மாநகராட்சி வார்டுகளும், அதேபோல் திருப்பரங்குன்றம் ஒன்றியத்தில் 106 கிளை கழகம் உள்ளது திருப்பரங்குன்றம் தொகுதியில் இருக்கின்ற 295 பூத்களில் நீங்கள் சிறப்பாக பணியாற்றி திருப்பரங்குன்றம் தொகுதியில் திமுகவை டெபாசிட் இழக்கச் செய்து கழகத்திற்கு ஒரு இமாலய வெற்றி பெற்று தர அயராது நீங்கள் பாடுபட வேண்டும்.

இவ்வாறு வி.வி.ராஜன்செல்லப்பா எம்.எல்.ஏ. பேசினார்.

இக்கூட்டத்தில் மதுரை மண்டல தகவல் தொழில்நுட்ப பிரிவு செயலாளர் வி.வி.ஆர்.ராஜ்சத்யன், மாவட்ட இளைஞரணி செயலாளர் வக்கீல் எம்.ரமேஷ், மாவட்ட கழக துணைச்செயலாளர் இரா.முத்துக்குமார், திருப்பரங்குன்றம் ஒன்றிய கழகச் செயலாளர் நிலையூர் முருகன், அனைத்துலக எம்ஜிஆர் மன்ற இணைச்செயலாளர் மேலூர் பி.எஸ்.துரைப்பாண்டி, மாவட்ட எம்ஜிஆர் மன்ற செயலாளர் ஓம்.கே.சந்திரன், பகுதி கழக செயலாளர் பன்னீர்செல்வம், மற்றும் நிர்வாகிகள் முருகன், நாகரத்தினம், சுப்பிரமணி, கோபால், முருகேசன், பாலமுருகன், செல்வகுமார், கல்யாணி, செல்வம், குமார், கருத்தமுத்து, முருகேசன், சரவணன், முத்துக்குமார், கணேசமூர்த்தி, செல்லப்பாண்டி, மற்றும் பகுதி அவைத்தலைவர்கள் காசிராமன், சோ.ராசு ஒன்றிய இலக்கிய அணி செயலாளர் மோகன்தாஸ் உட்பட பலர் கலந்து கொண்டனர்.