சிறப்பு செய்திகள்

எதிர்க்கட்சி துணைத்தலைவர் ஓ.பன்னீர்செல்வத்துக்கு முன்னாள் அமைச்சர்கள்-கழக நிர்வாகிகள் வாழ்த்து

சென்னை,

சட்டமன்ற எதிர்க்கட்சித் துணைத்தலைவராக தேர்ந்தெடுக்கப்பட்டுள்ள கழக ஒருங்கிணைப்பாளரும், முன்னாள் முதலமைச்சருமான ஓ.பன்னீர்செல்வத்தை முன்னாள் அமைச்சர்கள் மற்றும் கழக நிர்வாகிகள் நேரில் சந்தித்து வாழ்த்து தெரிவித்தனர்.

சென்னை ராயப்பேட்டை அவ்வை சண்முகம் சாலையில் உள்ள தலைமைக்கழகத்தில் நேற்றுமுன்தினம் கழக சட்டமன்ற உறுப்பினர்கள் ஆலோசனை கூட்டம் கழக ஒருங்கிணைப்பாளரும், முன்னாள் முதலமைச்சருமான ஓ.பன்னீர்செல்வம், கழக இணை ஒருங்கிணைப்பாளரும், முன்னாள் முதலமைச்சரும், சட்டமன்ற எதிர்கட்சித் தலைவருமான எடப்பாடி கே.பழனிசாமி ஆகியோர் தலைமையில் நடைபெற்றது.

இக்கூட்டத்தில் சட்டமன்ற எதிர்க்கட்சித் துணைத்தலைவராக கழக ஒருங்கிணைப்பாளரும், முன்னாள் முதலமைச்சருமான ஓ.பன்னீர்செல்வம் ஒருமனதாக தேர்ந்தெடுக்கப்பட்டார். மேலும் கழக சட்டமன்ற கட்சி கொறடாவாக முன்னாள் அமைச்சர் எஸ்.பி.வேலுமணி எம்.எல்.ஏ, துணை கொறடாவாக அரக்கோணம் தொகுதி சட்டமன்ற உறுப்பினர் சு.ரவி, பொருளாளராக முன்னாள் அமைச்சர் கடம்பூர் செ.ராஜூ எம்.எல்.ஏ, செயலாளராக முன்னாள் அமைச்சர் கே.பி.அன்பழகன் எம்.எல்.ஏ, துணை செயலாளராக பி.எச்.பி.மனோஜ் பாண்டியன் எம்.எல்.ஏ. ஆகியோர் தேர்ந்தெடுக்கப்பட்டனர்.

இதையடுத்து சட்டமன்ற எதிர்க்கட்சித் துணைத்தலைவராக தேர்ந்தெடுக்கப்பட்ட கழக ஒருங்கிணைப்பாளரும், முன்னாள் முதலமைச்சருமான ஓ.பன்னீர்செல்வத்துக்கு கழக இணை ஒருங்கிணைப்பாளரும், முன்னாள் முதலமைச்சரும், சட்டமன்ற எதிர்க்கட்சித் தலைவருமான எடப்பாடி கே.பழனிசாமி சால்வை அணிவித்து வாழ்த்து தெரிவித்தார். இதேபோல் கழக துணை ஒருங்கிணைப்பாளர்கள் கே.பி.முனுசாமி எம்.எல்.ஏ, ஆர்.வைத்திலிங்கம் எம்.எல்.ஏ ஆகியோரும் வாழ்த்து தெரிவித்தனர்.

இந்நிலையில் சட்டமன்ற எதிர்க்கட்சித் துணைத்தலைவராக தேர்ந்தெடுக்கப்பட்டுள்ள கழக ஒருங்கிணைப்பாளரும், முன்னாள் முதலமைச்சருமான ஓ.பன்னீர்செல்வத்தை நேற்று முன்னாள் அமைச்சர்கள், மாவட்ட கழக செயலாளர்கள் மற்றும் கழக நிர்வாகிகள் நேரில் சந்தித்து பூங்கொத்து வழங்கி வாழ்த்து தெரிவித்தனர்.

கழக அமைப்பு செயலாளரும், திண்டுக்கல் மேற்கு மாவட்ட கழக செயலாளரும், முன்னாள் அமைச்சருமான திண்டுக்கல் சி.சீனிவாசன் எம்.எல்.ஏ., கழக அமைப்பு செயலாளரும், நாமக்கல் மாவட்ட கழக செயலாளரும், முன்னாள் அமைச்சருமான பி.தங்கமணி எம்.எல்.ஏ., திருவாரூர் மாவட்ட கழக செயலாளரும், முன்னாள் அமைச்சருமான ஆர்.காமராஜ் எம்.எல்.ஏ., கழக புரட்சித்தலைவி அம்மா பேரவை செயலாளரும், மதுரை புறநகர் மேற்கு மாவட்ட கழக செயலாளரும், முன்னாள் அமைச்சருமான ஆர்.பி.உதயகுமார் எம்.எல்.ஏ., கடலூர் மத்திய மாவட்ட கழக செயலாளரும், முன்னாள் அமைச்சருமான எம்.சி.சம்பத்,

திருவள்ளூர் மத்திய மாவட்ட கழக செயலாளரும், முன்னாள் அமைச்சருமான பா.ெபன்ஜமின், காஞ்சிபுரம் மாவட்ட கழக செயலாளரும், முன்னாள் அமைச்சருமான வி.சோமசுந்தரம், திருவள்ளூர் கிழக்கு மாவட்ட கழக செயலாளரும், முன்னாள் அமைச்சருமான மாதவரம் வி.மூர்த்தி, கழக அமைப்பு செயலாளரும், தென்சென்னை வடக்கு கிழக்கு மாவட்ட கழக செயலாளரும், முன்னாள் வாரியத் தலைவருமான ஆதிராஜாராம், அண்ணா தொழிற்சங்க பேரவைத் தலைவர் தாடி ம.ராசு, அண்ணா தொழிற்சங்க பேரவை செயலாளர் ஆர்.கமலக்கண்ணன், திருவள்ளுர் வடக்கு மாவட்ட கழக செயலாளர் சிறுணியம் பி.பலராமன், திருவள்ளூர் தெற்கு மாவட்ட கழக செயலாளர் வி.அலெக்சாண்டர்,

சிவகங்கை மாவட்ட கழக செயலாளர் பி.ஆர்.செந்தில்நாதன் எம்.எல்.ஏ., தென்காசி வடக்கு மாவட்ட கழக செயலாளர் சி.கிருஷ்ணமுரளி எம்.எல்.ஏ., புதுச்சேரி மேற்கு மாநில கழக செயலாளர் ஓம்சக்தி சேகர், மதுரை புறநகர் கிழக்கு மாவட்ட இளைஞர் மற்றும் இளம்பெண்கள் பாசறை செயலாளர் பி.பெரியபுள்ளான் எம்.எல்.ஏ., மதுரை புறநகர் மேற்கு மாவட்ட கழக அவைத்தலைவர் பி.அய்யப்பன் எம்.எல்.ஏ.,

முன்னாள் சட்டமன்ற உறுப்பினரும், ஆலந்தூர் கிழக்கு பகுதி செயலாளருமான வி.என்.பி.வெங்கட்ராமன், கழக சிறுபான்மையினர் நலப்பிரிவு துணை செயலாளர் ஜெ.எம்.பஷீர், கழக அம்மா பேரவை துணை செயலாளரும், பரங்கிமலை கிழக்கு ஒன்றிய கழக செயலாளருமான பெரும்பாக்கம் இ.ராஜசேகர், தென்சென்னை தெற்கு மாவட்ட கழக முன்னாள் செயலாளர் சைதை எம்.எம்.பாபு, வடசென்னை வடக்கு மேற்கு மாவட்ட எம்.ஜி.ஆர். இளைஞர் அணி செயலாளர் கொளத்தூர் டி.கிருஷ்ணமுர்த்தி ஆகியோர் சட்டமன்ற எதிர்க்கட்சித் துணைத்தலைவராக தேர்ந்தெடுக்கப்பட்டுள்ள கழக ஒருங்கிணைப்பாளரும், முன்னாள் முதலமைச்சருமான ஓ.பன்னீர்செல்வத்தை நேரில் சந்தித்து பூங்கொத்து வழங்கி வாழ்த்து தெரிவித்தனர்.

மேலும் கூட்டணி கட்சியான பெருந்தலைவர் மக்கள் கட்சியின் தலைவருமான என்.ஆர்.தனபாலனும் சட்டமன்ற எதிர்க்கட்சித் துணைத்தலைவராக தேர்ந்தெடுக்கப்பட்டுள்ள ஓ.பன்னீர்செல்வத்தை நேரில் சந்தித்து வாழ்த்து தெரிவித்தார்.