கிருஷ்ணகிரி

திமுக சாதிய பாகுபாட்டுடன் செயல்படுகிறது – திமுகவிலிருந்து விலகி கழகத்தில் இணைந்த முடிதிருத்துவோர் குற்றச்சாட்டு

கிருஷ்ணகிரி

தி.மு.க. சாதிய பாகுபாட்டுடன் செயல்படுகிறது என்று அக்கட்சியில் இருந்து விலகி ஓசூரில் கழகத்தில் இணைந்த முடிதிருத்துவோர் கூறியுள்ளனர்.

ஓசூர் மாநகராட்சியில் உள்ள கிருஷ்ணகிரி மேற்கு மாவட்ட கழக அலுவலகத்தில் திமுகவினர் அக்கட்சியில் இருந்து விலகி கழகத்தில் இணையும் நிகழ்ச்சி நடைபெற்றது. கிருஷ்ணகிரி மேற்கு மாவட்டம் ஓசூர் மாநகரை சேர்ந்த 500க்கும் மேற்பட்ட முடி திருத்துவோர் அக்கட்சியில் இருந்து விலகி தங்களை கிருஷ்ணகிரி மேற்கு மாவட்ட கழக செயலாளரும், முன்னாள் அமைச்சருமான, பாலகிருஷ்ணரெட்டி முன்னிலையில் கழகத்தில் இணைத்துக் கொண்டனர்.

அப்போது கொரோனா ஊரடங்கு நேரத்திலும் அனைத்து தரப்பு மக்களுக்காக சிறப்பான முறையில் தமிழக அரசு செயல்பட்டு வருவதால் அரசின் திட்டங்களால் ஈர்க்கப்பட்டு கழகத்தில் இணைந்ததாக கூறிய அவர்கள், 2021 சட்டமன்ற தேர்தலில் கழகம் மூன்றாவது முறையாக ஆட்சியமைக்கும் என்கிற நம்பிக்கை உள்ளது.

ஓசூர் சட்டமன்ற தொகுதியை மீண்டும் அதிமுக கைப்பற்ற பாடுபடுவோம் என உறுதியேற்றனர். திமுகவில் குறிப்பாக ஓசூரில் சாதிய பாகுபாட்டுடன் நடத்தப்படுவதாகவும், ஊரடங்கு நேரத்தில் நல வாரியங்களுக்கு நிதி வழங்கியதன் மூலம் முடி திருத்துவோர் உட்பட பலருக்கு தமிழக முதல்வர் வாழ்வளித்திருப்பதாகவும் அவர்கள் கூறினர்

இந்நிகழ்ச்சியின்போது கழகத்தில் இணைந்தவர்களுக்கு கிருஷ்ணகிரி மேற்கு மாவட்ட கழக செயலாளரும், முன்னாள் அமைச்சருமான, பாலகிருஷ்ணரெட்டி சால்வை அணிவித்து பாராட்டுக்களை தெரிவித்துக் கொண்டார்.

இந்த நிகழ்ச்சியில் மாவட்ட பொருளாளர் நாராயணன், ஓசூர் நகர கழக செயலாளர் நாராயணன், ஓசூர் முன்னாள் நகரமன்ற தலைவர் ராமு, மாவட்ட பிரதிநிதி சிட்டி ஜெகதீஷ், ஓசூர் நகர துணை செயலாளர் மதன், மாவட்ட கவுன்சிலர் ரவிக்குமார், ஓசூர் ஒன்றிய குழு துணை தலைவர் நாராயணசாமி, வெங்கடசாமி கழக பிரமுகர், ஜேபி என்கின்ற ஜெயப்பிரகாஷ், சந்திரன், வாசுதேவன், ரமேஷ், ஹேம குமார் என்கின்ற கும்மி, வட்ட செயலாளர் சிவக்குமார், அசோக் ரெட்டி, லோகநாதன், பாலுசாமி, சாசு பாய், ரகுமான், கிருஷ்ணன் ஆகியோர் கலந்து கொண்டனர்.