திருவண்ணாமலை

18 கிளை கழகங்களுக்கு ரூ.90 ஆயிரம் நிதியுதவி – தூசி கே.மோகன் எம்.எல்.ஏ. வழங்கினார்

திருவண்ணாமலை

திருவண்ணாமலை மாவட்டம், செய்யாறை அடுத்த வெம்பாக்கம் ஒன்றியப் பகுதியில் 18 கிளை கழகங்களுக்கு தலா 5000 ரூபாய் வீதம் 90 ஆயிரம் நிதியுதவியை மாவட்ட செயலாளர் தூசி கே.மோகன் எம்.எல்.ஏ. வழங்கினார்.

திருவண்ணாமலை மாவட்டம், வெம்பாக்கம் ஒன்றியப்பகுதியை சேர்ந்த பனமுகை, சுணைபட்டு, புலிவலம், அரியூர், சட்டுவந்தாங்கள், மூஞ்சில்பட்டு, இருமரம், சிறுவஞ்சிப்பட்டு, ஆகிய கிராமங்களில் கழக கொடி ஏற்றும் நிகழ்ச்சி நடைபெற்றது.

இந்நிகழ்ச்சியில் மாவட்ட கழக செயலாளர் தூசி கே.மோகன் எம்.எல்.ஏ சிறப்பு விருந்தினராக பங்கேற்று கழக கொடியேற்றினார். மேற்கண்ட கிராமங்களில் உள்ள 18 கிளை கழகங்களுக்கு தலா 5000 ரூபாய் வீதம் 90 ஆயிரம் ரூபாய் நிதியுதவியை தனது சொந்த பணத்தில் இருந்து மாவட்ட செயலாளர் தூசி கே.மோகன் எம்.எல்.ஏ. வழங்கினார். மேலும் நிகழ்ச்சியில் பங்கேற்ற பெண்களுக்கு பல்வேறு நலத்திட்ட உதவிகளை வழங்கினார்.

நிகழ்ச்சியில் வெம்பாக்கம் ஒன்றிய குழுத்தலைவர் டி.ராஜி, மேற்கு ஒன்றிய செயலாளர் பி.கே.நாகப்பன், மாவட்ட துணை செயலாளர் டி.பி.துரை, மாவட்ட இலக்கிய அணி செயலாளர் எம்.மகேந்திரன், மாவட்ட சிறுபான்மை பிரிவு செயலாளர் பி.ஜாகிர்உசேன், மாவட்ட இளைஞர் மற்றும் இளம்பெண்கள் பாசறை செயலாளர் திருமூலன், மகளிர் அணி துணை செயலாளர் ஜெயலட்சுமி, உள்ளிட்ட பலர் கலந்து கொண்டனர்.