தற்போதைய செய்திகள்

எடப்பாடியார் தலைமையில் மீண்டும் அம்மா ஆட்சியை அமைப்போம் – கழக துணை ஒருங்கிணைப்பாளர் கே.பி.முனுசாமி சூளுரை

அம்பத்தூர்

வரும் சட்டமன்ற தேர்தலில் வெற்றிபெற்று முதலமைச்சர் எடப்பாடி கே.பழனிசாமி தலைமையில் அம்மாவின் நல்லாட்சியை மீண்டும் அமைப்போம் என்று கழகத் துணை ஒருங்கிணைப்பாளர் கே.பி.முனுசாமி கூறி உள்ளார்.

வரும் சட்டமன்றத் தேர்தலை முன்னிட்டு திருவள்ளூர் மத்திய மாவட்ட கழகம் சார்பில் ஊரக தொழில் துறை அமைச்சரும், மத்திய மாவட்ட கழக செயலாளருமான பா.பென்ஜமின் தலைமையில் கழக செயல்வீரர்கள், வீராங்கனைகள் ஆலோசனை கூட்டம் மதுரவாயலில் நடைபெற்றது. கூட்டத்திற்கு மாவட்ட அவைத்தலைவர் காசு ஜனார்த்தனம், தி.பா.கண்ணன், புலவர் ரோஜா, ஜெயபால் ஆகியோர் முன்னிலை வகித்தனர்.

இதில் சிறப்பு அழைப்பாளராக கழக துணை ஒருங்கிணைப்பாளரும், நாடாளுமன்ற மாநிலங்களவை உறுப்பினருமான கே.பி.முனுசாமி, முன்னாள் அமைச்சரும், திருவள்ளூர் கிழக்கு மாவட்ட செயலாளருமான மாதவரம் வி.மூர்த்தி, திருவள்ளூர் மேற்கு மாவட்ட செயலாளரும், முன்னாள் அமைச்சருமான பி.வி.ரமணா, அமைப்பு செயலாளர் திருத்தணி கோ.அரி,
கழக அம்மா பேரவை இணைச்செயலாளர் செவ்வை சம்பத்குமார் ஆகியோர் கலந்து கொண்டனர்.

இக்கூட்டத்தில் கழக துணை ஒருங்கிணைப்பாளர் கே.பி.முனுசாமி எம்.பி பேசியதாவது:-

இந்த சட்டமன்ற தேர்தலை நாம் தகவல் தொழில் நுட்ப அணி, கழக இளைஞர், இளம்பெண்கள் பாசறை அணி ஆகியவற்றை கொண்டு தான் சந்திக்கப் போகிறோம். ஜனநாயக முறைப்படி நம் தலைவர்களான முதலமைச்சர்எடப்பாடி கே.பழனிசாமி, துணை முதலமைச்சர் ஓ.பன்னீர்செல்வம் ஆகியோரை கொண்டு நாம் செயல்படுகிறோம். ஆனால் திமுகவில் அப்படி அல்ல. கருணாநிதிக்கு அப்புறம் அவர் மகன் ஸ்டாலின், இப்போ அவருடைய மகன் உதயநிதி ஸ்டாலின். இந்த ஒரு சூழ்நிலையில் தான் வரும் சட்டமன்றத் தேர்தலை நாம் சந்திக்க இருக்கிறோம். திமுகவை அடியோடு வேரறுக்க நாம் இந்த மதுரவாயல் தொகுதியில் வெற்றிபெற்றே ஆக வேண்டும். ஒன்றரை கோடி தொண்டர்களை கட்டிக்காத்தவர் புரட்சித்தலைவி அம்மா அவர்கள்.

அம்மா அவர்களின் நல்லாட்சியை முதலமைச்சர் எடப்பாடி கே.பழனிசாமி தலைமையில் மூன்றாவது முறையாக அமைப்போம். வரும் சட்டமன்ற தேர்தலில் கழகம் வெற்றிபெற்றால் தொடர்ந்து 25 ஆண்டு காலம் கழக ஆட்சியே நீடிக்கும். அதற்காக ரத்தத்தை சிந்தி கழகத்தை மீண்டும் ஆட்சிக்கட்டிலில் அமர்த்த அனைவரும் பாடுபடுவோம்.

இவ்வாறு கழக துணை ஒருங்கிணைப்பாளர் கே.பி.முனுசாமி பேசினார்.

இக்கூட்டத்தில் எம்.எஸ்.அருள்யுகா, ராஜா என்கிற பேரழகன், சாந்தி சுப்பையா, தங்கம் ராஜேந்திரன், பூத்தப்பேடு ஜெயபால், வழக்கறிஞர் சூரியநாராயணன், மதுரவாயல் ஏ.தேவதாஸ், எம்.பி.தென்றல் குமார், எம்.கே.குமார் நெற்குன்றம் டி.சத்தியநாதன், ஏ.பாரத், நொளம்பூர் இம்மானுவேல், பச்சையப்பன், குட்டி, உதயா, செல்வி சரவணன், அயப்பாக்கம் எம்.எம்.மூர்த்தி, அஞ்சப்பர் பாலா, முகப்பேர் இளஞ்செழியன், தாமோதரன், இ.கந்தன், சந்திரசேகர், வீடியோ கோபு, வேணுகோபால், ராஜ்குமார், பச்சையப்பன், ஏ.வி.மனோகரன், கந்தன், அகிம்சை குமரேசன், மோகன்தாஸ், ஏ.வி.விஜயன் உட்பட பலர் கலந்து கொண்டனர். முடிவில் இளைஞர் மற்றும் இளம்பெண்கள் பாசறை மாவட்ட செயலாளர் கே.ஒய்.மகேஷ் நன்றி கூறினார்.