தற்போதைய செய்திகள்

2 ஆயிரம் ஏழை குடும்பங்களுக்கு நிவாரணம் – விருகை வி.என்.ரவி எம்.எல்.ஏ வழங்கினார்

சென்னை

தென்சென்னை தெற்கு மாவட்டம் விருகம்பாக்கம் தொகுதியில் எம்.ஜி.ஆர் நகர் மற்றும் அதை சுற்றியுள்ள பகுதிகளில் உள்ள 2000க்கும் மேற்பட்ட ஏழை குடும்பங்களுக்கு நிவாரண தொகுப்புகளை தென்சென்னை தெற்கு மாவட்ட செயலாளரும், சட்டமன்ற உறுப்பினருமான விருகை வி.என்.ரவி வழங்கினார்.

கொரோனா வைரஸ் தடுப்பு நடவடிக்கையாக ஏழை குடும்பங்களுக்கு தினந்தோறும் எண்ணற்ற நிவாரண உதவிகளை தென்சென்னை தெற்கு மாவட்டம் விருகம்பாக்கம் தொகுதியில் விருகை வி.என்.ரவி எம்.எல்.ஏ வழங்கி வருகிறார். அதன் தொடர்ச்சியாக தொகுதிக்குட்பட்ட 138-வது வார்டில் உள்ள மாநகராட்சி மேல்நிலைப்பள்ளியில் எம்.ஜி.ஆர் நகர் மற்றும் அதை சுற்றியுள்ள பகுதிகளில் உள்ள 2000க்கும் மேற்பட்ட ஏழை குடும்பங்களுக்கு ரூ.15 லட்சம் மதிப்பீட்டில் தலா 5 கிலோ அரிசி, துவரம் பருப்பு, கடலை பருப்பு, சமையல் எண்ணெய், சர்க்கரை, கோதுமை மாவு, உப்பு, கடுகு, சீரகம், மிளகாய் பொடி, ரவை, பிஸ்கட் பாக்கெட், கபசுர குடிநீர் பாக்கெட், 5-வகையான காய்கறிகள் ஆகியவை அடங்கிய தொகுப்புகளை தென்சென்னை தெற்கு மாவட்ட செயலாளர் விருகை வி.என்.ரவி எம்.எல்.ஏ வழங்கினார்.

அப்போது அவர் ஒவ்வொருவரும் கட்டாயம் முககவசம் அணிய வேண்டும். கைகளை அவ்வப்பொழுது சோப்பு மற்றும் கிருமிநாசினி கொண்டு தூய்மை செய்ய வேண்டும். முகங்களை அடிக்கடி கைகளால் தொடுவதை தவிர்க்க வேண்டும். பொது இடங்களில் அத்தியாவசிய பொருட்கள் வாங்க செல்லும் போது சமூக இடைவெளியை கடைபிடிக்க வேண்டும் என்று கூறி விழிப்புணர்வை ஏற்படுத்தினார்.

இந்நிகழ்ச்சியில் ஏ.எம்.காமராஜ், மு.பா.ரமேஷ், மகா.பழநிசாமி, ராஜீ, வைகுண்டராஜன், லட்சுமிபதி, மோகன், அண்ணாமலை, இ.சங்கர், பில்டர்.மோகன், அசோக், தாட்சாயினி, செல்வநாயகம், டி.சி.அசோக்குமார், அயன்.வினோத், பிரைட், முரளி, கணேஷ், நரேஷ், கோட்டி, சீனிவாசன், தியாகராஜன், முத்து மற்றும் கழக நிர்வாகிகளும், கழகத் தொண்டர்களும், பொதுமக்களும் கலந்து கொண்டனர்.