தற்போதைய செய்திகள்

1000 பெண்களுக்கு புடவை 1000 பேருக்கு அன்னதானம் – தி.நகர் பி.சத்தியா எம்.எல்.ஏ. வழங்கினார்

சென்னை

சென்னை ஆயிரம் விளக்கு பகுதியில் நடைபெற்ற புரட்சித்தலைவி அம்மா பிறந்தநாள் விழாவில் 1000 பெண்களுக்கு புடவை மற்றும் 1000 பேருக்கு அன்னதானத்தை தி.நகர் பி.சத்தியா எம்.எல்.ஏ. வழங்கினார்.

ஒருங்கிணைப்பாளர்கள் ஆணைக்கிணங்க தமிழகம் முழுவதும் புரட்சித்தலைவி அம்மா அவர்களின் 72-வது பிறந்தநாளை கழகத்தினர் உற்சாகமாக கொண்டாடி வருகின்றனர். அதன்படி தென்சென்னை வடக்கு மாவட்டம் ஆயிரம் விளக்கு பகுதி 109-வது தெற்கு வட்ட கழக செயலாளர் பி.ராஜேஷ் தலைமையில் சூளைமேடு பஜனை கோவில் தெருவில் புரட்சித்தலைவி அம்மா அவர்களின் பிறந்தநாள் விழா வெகு சிறப்பாக நடைபெற்றது.

இந்நிகழ்ச்சியில் தென் சென்னை வடக்கு மாவட்ட கழக செயலாளர் தி.நகர் பி.சத்தியா எம்.எல்.ஏ. கலந்து கொண்டு இறந்த கழக உறுப்பினர்கள் 3 பேர் குடும்பத்திற்கு தலா ரூ.5 ஆயிரம் நிதி உதவி, கழகத்தை சேர்ந்த நலிந்த தொழிலாளி ஒருவருக்கு சலவை பெட்டி, மற்றொருவருக்கு தையல் இயந்திரம், இரண்டு இளைஞர்கள் அணிக்கு கிரிக்கெட் விளையாட்டு உபகரணங்கள் உள்ளிட்ட நலத்திட்ட உதவிகளை வழங்கினார். மேலும் ஆயிரம் பெண்களுக்கு புடவை மற்றும் பொதுமக்கள் 1000 பேருக்கு அன்னதானம் ஆகியவையும் வழங்கப்பட்டது.

நிகழ்ச்சியில் மாவட்ட கழக தலைவர் நுங்கை மாறன், பகுதி கழக செயலாளர் நுங்கை எஸ்.செல்வகுமார், மாவட்ட இளைஞரணி செயலாளர் வரதை முத்து பரணி, மாவட்ட துணை செயலாளர் யு.கற்பகம், ஆயிரம் விளக்கு பகுதி அம்மா பேரவை செயலாளர் வழக்கறிஞர் ஆர்.சதாசிவம், மன்சூர் அகமது, தீபகா பில்டர்ஸ் கருணாகரன், பர்மா ராமமூர்த்தி, எ.தரணி பாய், இ.ராஜலட்சுமி, பி.சாந்தி, சாண்ட்ரோ வி.குமார், பி.பன்னீர்செல்வம், எம்.சுல்தான், கே.எம்.உதயகுமார், ஆர்.சரவணன், ஆர்.பிரேமா, ஜானகிராமன், ராஜேஷ்குமார், ஆர்.ரகு, விஜி, சத்தியா, கே.பிரதீப் குமார் உள்ளிட்ட பலர் கலந்து கொண்டனர்.