தமிழகம்

மக்கள் தொகை கணக்கெடுப்பு : அரசிதழில் வெளியிட்டது தமிழக அரசு

சென்னை 

மக்கள் தொகை கணக்கெடுப்பு அரசிதழில் வெளியிடப்பட்டுள்ளது.

2021 ஆம் ஆண்டுக்கான மக்கள் தொகை கணக்கெடுப்பு பணி நடைபெற உள்ள நிலையில் முதற்கட்டமாக வீடுகளை கணக்கிடும் பணிக்கான விவரங்கள் தமிழக அரசு அரசிதழில் வெளியிடடுள்ளது.

ஏப்ரல் 1 ஆம் தேதி தொடங்கி செப்டம்பர் 30 ஆம் தேதி வரை

2021 ஆம் ஆண்டுக்கான மக்கள் தொகை கணக்கெடுப்பு வரும் ஏப்ரல் 1 ஆம் தேதி தொடங்கி செப்டம்பர் 30 ஆம் தேதி வரை நடைபெறுகிறது.தமிழகத்தில் ஜுன் மாதம் தொடங்கி ஜூலை மாதத்திற்குள் முடிக்க திட்டமிடப்பட்டுள்ளது

இரண்டு கட்டங்களாக

கடந்த காலங்களில் காகித முறையில் நடைபெற்றுவந்த கணக்கெடுப்பு பணி இந்த முறை முதல்முறையாக டிஜிட்டல் தொழில்நுட்பத்தில் செல்போன் செயலி மூலமாக நடத்தப்பட இருப்பதாக இதில் தெரிவிக்கப்பட்டுள்ளது.கணக்கெடுப்பு இரண்டு கட்டங்களாக நடத்தப்படும். முதற்கட்டமாக வீடுகளை கணக்கெடுத்தும் இரண்டாம் கட்டமாக மக்கள் தொகை எண்ணிக்கையை கணக்கிட்டும் நடைபெறுகிறது.முதற்கட்டமாக வீடுகளை கணக்கெடுக்கும் பணிக்கான விவரங்கள் தமிழக அரசிதழில் வெளியிடப்பட்டுள்ளன

அதில் கீழ்கண்டவாறு கேள்விகள் கேட்கலாம் என வரையறுக்கப்பட்டுள்ளது

1. கட்டட எண்

2. வீட்டு எண்

3. வீட்டின் நிலை

4. வீட்டுத் தலைவரின் பெயர்

5. வீட்டில் உள்ளவர்களின் எண்ணிக்கை

6. வீட்டிற்கு வழங்கப்படும் குடிநீர் வசதி

7. வீட்டில் உள்ள அறைகளின் எண்ணிக்கை

8. வீட்டின் குடிநீரின் ஆதாரம்

9. வீட்டில் கழிவறை உள்ளதா ?

10. கார், இருசக்கர வாகனம் உள்ளதா ?

11. டிவி, மொபைல் போன் உள்ளதா ?

உள்ளிட்ட 31 கேள்விகள் கேட்கப்பட உள்ளன