தற்போதைய செய்திகள்

மீன் சாப்பிட்டால் 100 ஆண்டுகள் வாழலாம் – அமைச்சர் டி.ஜெயக்குமார் தகவல்

சென்னை

மீன் சாப்பிட்டால் 100 ஆண்டுகள் வாழலாம் என்று அமைச்சர் டி.ஜெயக்குமார் தெரிவித்தார்.

தமிழக சட்டபேரவையில் நேற்று கேள்வி நேரத்தின் போது செய்யூர் சட்டமன்ற உறுப்பினர் ஆர்.டி.சேகர், ரசாயனம் தடவிய மீன்கள் விற்பனை செய்வதை தடுக்க அரசு நடவடிக்கை எடுக்குமா என கேள்வி எழுப்பினார்.

இதற்கு அமைச்சர் டி.ஜெயக்குமார் பதிலளித்து பேசியதாவது:-

ரசாயனம் தடவிய மீன்கள் விற்பனை செய்யப்படுகிறது என்பது வெறும் வதந்தி. அதை நம்ப வேண்டாம். சுகாதாரத்துறை, உணவுத்துறை, மீன்வளத்துறை அதிகாரிகள் அதிக மீன்கள் விற்பனை செய்யப்படும் இடங்களில் தொடர்ந்து சோதனை செய்து வருகின்றனர். தமிழகத்தில் தரமான மீன்கள் மட்டுமே விற்பனை செய்யப்படுகின்றன.

மதுரையில் வெளிமாநிலங்களிலிருந்து மீன்கள் கொண்டு வந்து விற்பனை செய்யப்படுவதாக தெரியவந்தது. உடனடியாக அந்த மீன்கள் பறிமுதல் செய்யப்பட்டன. தமிழ்நாட்டில் தரமான மீன்களே விற்கப்படுகின்றன. மீன் சாப்பிட்டால் 100 ஆண்டுகள் நீண்ட ஆயுளுடனும், நலமுடனும் வாழலாம்.

இவ்வாறு அமைச்சர் டி.ஜெயக்குமார் பதிலளித்தார்.