தற்போதைய செய்திகள்

கழக அரசின் சாதனையை அபகரிக்க முயற்சிப்பதா?சுகாதாரத்துறை அமைச்சர் மா.சுப்பிரமணியனுக்கு முன்னாள் அமைச்சர் டி.ஜெயக்குமார் கண்டனம்

சென்னை

கழக அரசின் சாதனையை அபகரிக்க முயற்சிக்கும் சுகாதாரத்துறை அமைச்சர் மா.சுப்பிரமணியனுக்கு முன்னாள் அமைச்சர் டி.ஜெயக்குமார் கடும் கண்டனம் தெரிவித்துள்ளார்.

சென்னையில் முன்னாள் அமைச்சர் டி.ஜெயக்குமார் செய்தியாளர்களுக்கு பேட்டி அளித்தார். அப்போது அவர் கூறியதாவது:-

நீட் தேர்வு குறித்து தற்போதைய தி.மு.க. அரசு மக்களை ஏமாற்றும் வகையில் திசை திருப்பும் வகையில் குறிப்பாக மாணவ, மாணவிகளை ஏமாற்றும் விதமாக இவர்கள் எதிர்கட்சியாக இருக்கும்போது எப்படிப்பட்ட வாக்குறுதிகளை கொடுத்தார்கள் என்பதை தயவு செய்து திரும்பி பார்க்க வேண்டும்.

நேற்று ஒரு சொல், இன்று ஒரு சொல், நாளை ஒரு சொல்
என்ற வகையில் கொடுத்த உறுதிமொழிகளை எல்லாம் மீறுகின்ற வகையில் தி.மு.க. அரசு முன்னுக்கு பின் முரணாக கூறி மக்களையும், மாணவர்களையும் திசை திரும்பினார்கள். அவர்கள் ஆட்சியில் இல்லாதபோது நாங்கள் ஆட்சிக்கு வந்தால்

நீட் தேர்வை பொறுத்தவரை தமிழகத்தில்எந்தவிதத்திலும் நுழையவிட மாட்டோம், நாங்கள் ஆட்சிக்கு வரும்போது நீட்டே இருக்காது என்று தி.மு.க. தலைவர் ஸ்டாலினும், அவரது மகன் உதயநிதியும், கனிமொழியும், திமுகவை சேர்ந்த அனைத்து

பிரமுகர்களும் கருத்தை சொன்னார்கள். ஆனால் இன்றைக்கு என்ன நிலைமை. தேர்தல் வாக்குறுதி அளித்து வாக்குகளை பெற்ற அவர்கள் இன்று மாற்றி பேசுகிறார்கள்.

குறிப்பாக சுகாதாரத்துறை அமைச்சர் மா.சுப்பிரமணியன் 2010-ம் ஆண்டு கழக ஆட்சி இருந்ததாகவும், அப்போது தான் நீட் கொண்டு வரப்பட்டதாகவும் ஒரு கருத்தை தெரிவித்துள்ளார் என்றால் அவர் எப்படிப்பட்ட நிலையில் உள்ளார்

என்பதை எண்ணிப்பார்க்க வேண்டும். 2010-ல் திமுக ஆட்சியில் இருந்தது. திமுகவின் ஆதரவோடு மத்தியில் காங்கிரஸ் ஆட்சியில் இருந்தது. மத்திய அரசில் முழுமையாக அங்கம் வகித்து நீட் வருவதற்கு காரணமே இவர்கள் தான். ஆனால் இன்று முழு பூசணிக்காயை சோற்றில் மறைத்துவிட்டு, தமிழ்நாட்டு மக்களுக்கு வரலாறு தெரியாது என்ற வகையில் 2010-ல் கழக ஆட்சி என்ற கருத்தை தெரிவித்துள்ளார்கள்.

அன்றைக்கு இவர்கள் மனது வைத்திருந்தால் நீட் தேர்வு தமிழகத்திற்கு வந்திருக்க வாய்ப்பு இல்லை. ஏனென்றால்

மத்திய அரசு இவர்கள் ஆதரவோடுதான் நடந்து கொண்டிருந்தது. இவர்கள் ஆதரவு இல்லாமல் மத்திய அரசு கிடையாது. நீட் இந்தியாவிற்கும் தேவையில்லை, தமிழகத்திற்கும் தேவையில்லை, நீங்கள் கொண்டு வந்தால் நாங்கள் ஆதரவை வாபஸ் வாங்குகிறோம் என்று சொல்லியிருந்தால் கண்டிப்பாக நீட் தமிழகத்தில் எட்டி பார்த்திருக்காது.

நீட்டை கொண்டு வருவதற்கு காரணமாக இருந்து விட்டு கையெழுத்தையும் போட்டுவிட்டு, இப்போது கழக ஆட்சியில் தான் நீட் வந்தது என்று குற்றம் சாட்டுகிறார்கள். ஒரு வரலாறு தெரியாத அமைச்சரை தமிழகம் பெற்று இருப்பதுதான் வேதனைகுறியது.

நீட் குறித்து ஆராய குழு போட்டார்கள். உயர்நீதிமன்றம் ஒரு கருத்தை தெரிவித்தது. குழு போட்டதை உயர்நீதிமன்றம் சரி என்று சொன்ன காரணத்தினால் நீட் ரத்தாகுமா? இதனை இந்த அரசு தெளிவுபடுத்த வேண்டும்.

செப்டம்பர் மாதம் நீட் தேர்வு நடக்கப்போகிறது. நீட் வருமா, வராதா இதுதான் எங்களுடைய கேள்வி. பொய் பேசுவதற்கும், தவறான தகவல் சொல்வதற்கும் ஒரு அளவு உண்டு. வானளாவிய பொய்களை சொல்வதற்கு உண்மையிலே ஒரு திறமை வேண்டும். அதில் பெரிய

அளவிற்கு திறமை படைத்தது தி.மு.க.. பொய் சொல்வதிலும் சரி, திசை திருப்பதிலும் சரி அவர்கள் கெட்டிக்காரர்கள்.

சட்டமன்ற தேர்தலின் போது தி.மு.க.வினர் 505 வாக்குறுதிகளை அளித்தார்கள். தற்போது அதனை நிறைவேற்ற முடியாமல்
திணறி கொண்டிருக்கிறார்கள். ஆனால் 7.5 சதவீத உள் இட ஒதுக்கீடு கிராமபுற, நகர்புற அரசு பள்ளி மாணவர்களுக்காக
கொண்டு வரப்பட்டது.

வறுமைக் கோட்டிற்கு கீழ் உள்ளவர்களின் ஏழ்மை நிலையை உணர்ந்து, இந்த உள் இடஒதுக்கீடு கொண்டு வரப்பட்டது. இந்த இடஒதுக்கீடு இல்லாமல் இருந்தபோது 5 அல்லது 4 மாணவர்கள்தான் மருத்துவ படிப்புக்கு செல்ல முடிந்தது.

முன்னாள் முதலமைச்சரும், தற்போதைய எதிர்கட்சிதலைவருமான எடப்பாடியார் அரசு பள்ளியில் படித்த காரணத்தினால் அவர்களின் கஷ்டத்தை உணர்ந்து அவர்களின் மருத்துவ கனவை நிறைவேற்றவே ண்டும் என்ற வகையில், பொதுமக்களும், தி.மு.க.வும் கோரிக்கை வைக்காத நிலையில் 7.5 சதவீத இடஒதுக்கீட்டை கொண்டு வந்தார். இன்றைக்கு இதன் மூலம் 500 மாணவர்கள் பயன்பெறுகிறார்கள் என்றால் அதற்கு முழு காரணம் எடப்பாடியார்தான்.

ஆனால் இவ்வளவு விஷயத்தையும் மறைத்துவிட்டு இவர்கள் கோரிக்கை வைத்தாக தெரிவித்து வருகிறார்கள். அமைச்சர் மா.சுப்பிரமணியனுக்கு ஒரு கேள்வியை முன் வைக்கிறேன். 7.5 இடஒதுக்கீடு தொடர்பாக தி.மு.க. எப்போது கோரிக்கை வைத்தது.

சட்டமன்றத்தில் வைத்தாத உங்கள் கட்சி தலைவர் ஏதாவது அறிக்கை வெளியிட்டரா? எதுவும் செய்யாமல் இன்றைக்கு கிராமபுற மாணவர்கள் பயன்பெறுகிறார்கள் என்ற காரணத்திற்காக நாங்கள் கொண்டு வந்து மாணவர்கள் அனுபவிக்கும் அந்த பெருமையை திமுக அபகரிக்க நினைத்தால் நிச்சயமாக மக்கள் நம்ப மாட்டார்கள். மக்களுக்கும், படிக்கும் மாணவ, மாணவிகளுக்கும்

தெரியும். அம்மாவின் ஆட்சியில் எடப்பாடியார் கொண்டு வந்தார் என்று. உண்மை நிலை இப்படி இருக்க மக்களை திசை திருப்பும் வேளையை தி.மு.க. செய்து வருகிறது. நீட் விவகாரத்தில் மக்களை திசை திருப்ப வேண்டாம்.

இவ்வாறு முன்னாள் அமைச்சர் டி.ஜெயக்குமார் கூறினார்.