மதுரை

தி.மு.க.வின் தோல்வி உறுதியாகி விட்டது – மாவட்ட செயலாளர் வி.வி.ராஜன்செல்லப்பா பேட்டி

மதுரை

வரும் சட்டமன்ற தேர்தலில் தி.மு.க.வின் தோல்வி உறுதியாகி விட்டது என்று மதுரை புறநகர் கிழக்கு மாவட்ட கழக செயலாளர் வி.வி.ராஜன் செல்லப்பா எம்.எல்.ஏ. கூறினார்.

மதுரை திருப்பரங்குன்றத்தில் நடைபெற்ற வாக்காளர் சேர்ப்பு சிறப்பு முகாமை மதுரை புறநகர் கிழக்கு மாவட்ட கழக செயலாளர் வி.வி.ராஜன் செல்லப்பா எம்.எல்.ஏ. நேரில் பார்வையிட்டு ஆய்வு செய்தார். இதன் பின்னர் அவர் செய்தியாளர்களிடம் கூறியதாவது:-

வருகின்ற சட்டமன்ற தேர்தலில் எத்தனை கட்சிகள் போட்டியிட்டாலும் அதனை எதிர்கொள்ள முதல்வரும் துணை முதல்வரும் தேர்தல் வியூகங்களை வகுத்து வருகின்றனர்.

குறிப்பாக இந்த தேர்தலில் தாங்கள் செய்த சாதனை திட்டங்களை மக்களிடம் எடுத்துச் சொல்வோம். ஆனால் திமுக எதையும் சொல்ல முடியாது. திமுக படுதோல்வி அடையும். அது உறுதியாகி விட்டது. ஸ்டாலினின் முதலமைச்சர் கனவு ஒருபோதும் பலிக்காது.

இவ்வாறு மாவட்ட கழக செயலாளர் வி.வி.ராஜன் செல்லப்பா எம்.எல்.ஏ. கூறினார்.

இந்த ஆய்வின்போது மாவட்ட இளைஞர் அணி மாவட்ட செயலாளர் வக்கீல் ரமேஷ், ஒன்றிய கழக செயலாளர் நிலையூர் முருகன், மாவட்ட கழக துணை செயலாளர் முத்துகுமார், எம்.ஜி.ஆர். மன்ற மாவட்ட செயலாளர் ஓம்.கே.சந்திரன், பகுதி செயலாளர் பன்னீர்செல்வம், விவசாய பிரிவு மாவட்ட செயலாளர் கருத்த கண்ணன், கலைப் பிரிவு மாவட்ட செயலாளர் கவிஞர் மோகன்தாஸ், வட்ட செயலாளர் பொன் முருகன் உள்பட பலர் உடனிருந்தனர்.